KOMUNIKADO DI PRENSA 495/2023
16 òktober 2023

Dama polis ta bai sigui formashon polisial na Abu Dhabi

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 16 di òktober 2023 a toka turno na un otro agente polisial, ku a sali Kòrsou rumbo
pa Abu Dhabi, kaminda den e próksimo 5 lunanan, e ta bai sigui parti di un programa di
formashon riba nivel akadémiko.
Durante di e periodo aki e dama aki huntu ku miembronan di kuerponan polisial di
diferente pais, lo bai risibí preparashon físiko, ehersísionan práktiko, materianan teorétiko i
hopi mas.
Lo e bai interkambiá ideanan, kompartí i siña di kultura di kuerponan polisial di otro
partinan di mundu i atkerí hopi mas konosementu i eksperensia ku e por yuda enrikesé su
kuerpo i su koleganan kuné.
Na e okashon aki tantu hefe di Kuerpo sr. Raymond Ellis komo Minister di Hustisia sr.
Shalten Hato tabata presente na aeropuerto, pa a despedí di e dama polis aki.
Riba e potrètnan athunto, na momentu ku tantu Minister Hato komo Komisario Ellis tabata
na aeropuerto pa despedí di e agente polisial.