Ku sumo plaser UO Reclassering Curacao a ortogá sertifikado na e promé kliente ku a finalisá e training di “Solo Kas Sigur” ku éksito.
UO Reclassering Curacao
Ku sumo plaser UO Reclassering Curacao a ortogá sertifikado na e promé kliente ku a finalisá e training di “Solo Kas Sigur” ku éksito.
E training “Solo Kas Sigur” ta pa un persona ku a hasi su mes kulpabel na violensia entre pareha. E training ta konsistí di 3 elemento:
1. E persona ta haña un bista amplio den su propio komportashon i influensia di su entorno;
2. E persona ta siña pa karga responsabilidat di su komportashon i konsekuensia di su aktonan pa ku e víktima;
3. E persona ta siña strategíanan nobo kon pa hèndel den situashon di riesgo i evitá eskalashon/ prevení violensia entre pareha.
UO Reclassering Curaçao lo sigui brinda e training aki na mas kliente, ku e meta pa kontribuí na un kas mas sigur.
