Minister Shalten Hato DIA KONTRA TRAFIKASHON HUMANO (UNION OROPEO)
Minister Shalten Hato
DIA KONTRA TRAFIKASHON HUMANO (UNION OROPEO)
Awe riba 18 di òktober, for di 2007 ta ser rekonosé dor di Union Oropeo komo Dia kontra Trafikashon Humano, un dia dediká na konosementu i lucha kontra trafikashon humano, un problema mundial ku ta afekta miones di hende. E dia aki ta ofresé un oportunidat pa trese atenshon na e práktika katastrófiko aki i pa enfatisá esfuersonan konhunto pa protehá víktimanan i trese esnan responsabel pa e akto repudiabel aki dilanti korte di hustisia.
Trafikashon humano ta un krímen kontra di derechonan humano, i ta krusial pa gobièrnu, organisashonnan sosial, i individuonan rònt mundu sigui traha den kolaborashon pa kombatí e fenómeno aki. Kòrsou, Ministerio di Hustisia, konhuntamente ku otro ministerionan a tuma pasonan importante pa prevení i kombatí tráfikashon humano. Entre otro a traha na legislashon pa oumentá e kastigu di esun ku ta hasi su mes kulpabel na e akto. Konhuntamente ku otro ministerio a traha maneho pa e forma kon ta atendé ku víktimanan di trafikashon.
A desaroyá tambe un plan di akshon pa por atendé di manera mas direkto ku e forma di akumulá informashon ku ta kondusí na investigashon pa asina por yega na kasonan ku por hiba dilanti di hues. Ta sigui traha na e forma di konsientisá e pueblo tokante e tematika aki via medionan di komunikashon manera radio, televishon i medianan sosial. Pero tambe ta duna informashon i kurso na miembronan di organisashonnan manera den kuido, e sektor di horeca i e sektor di konstrukshon.
Pa ku ehekushon di e partinan ariba menshoná Minister di Hustisia, sr. Shalten Hato, a buta medionan finansiero disponibel ku ta akapará den crime fonds. Minister di Hustisia lo sigui hasi tramite pa mehorá maneho pa ku e area aki i pone na disposishon fondonan finansiero pa yudansa i rehabilitashon di víktimanan.
Riba Dia kontra Trafikashon Humano, Minister Shalten Hato ke hasi un yamada na tur hende pa traha huntu den lucha kontra e krimen teribel aki. Mester yuda víktima, perseguí sospechosonan i krea konosementu tokante trafikashon humano. Huntu nos por krea un mundu kaminda hende no ta bira víktima mas di e krimen kruel aki. Laga nos enfatisá nos esfuersonan pa eliminá trafikashon humano i promové un komunidat hustu i sigur pa tur hende. Pa mas informashon i fuentenan tokante Dia kontra Trafikashon Humano, bishitá
