KOMUNIKADO DI PRENSA 513/2023
26 òktober 2023

Detenshon relashoná ku ladronisia di piesa di outo

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di ladronisia di piesa di outo ku
a tuma lugá dia 8 di ougùstùs último den área di Mgr. Nieuwindtstraat, polis a realisá kuater detenshon.
Djaluna 23 di òktober 2023 alrededor di 10.12’or, personal di tim ku ta investigá ladronisia di vehíkulo a hasi e promé detenshon, ta trata di e hòmber sospechoso J.M.A.C nasé na Kòrsou di 16 aña di edat. E detenshon aki a tuma lugá na warda di reshèrshi na Kaya Jose Pinedo.
Relashoná ku e mesun kaso aki, ayera djárason 25 di òktober 2023 den oranan di mèrdia, e tim di reshèrshi a hasi tres detenshon mas.
Ta trata aki di e hòmber N.Y.F.R nasé na Kòrsou di 14 aña di edat. Su detenshon a tuma
lugá na un skol den área di St. Helena.
Seguidamente a hasi detenshon di e hòmbernan sosopechoso G.A.M di 16 aña di edat i
R.M.M di 17 aña di edat, ámbos nasé na Kòrsou. Nan detenshon a tuma lugá na warda di
reshèrshi.
A presentá e sospechosonan dilanti un fiskal ouksiliar ku despues di nan interogashon a
ordená nan enkarselamentu pendiente di mas investigashon.