Kim Rossen ta klá pa partisipá na Miss Universe International

Kòrsou, 2 novèmber 2023

Dia 18 di Novèmber na El Salvador…
Kim Rossen ta klá pa partisipá na Miss Universe International
WILLEMSTAD – Nos a drenta e luna kaminda otro yu di Kòrsou ta bai representá su pais internashonalmente. Dia 18 di novèmber binidero, Kim Rossen di Kòrsou ta partisipá na e sertamen di Miss Universe Internashonal. E sertamen di beyesa aki e aña aki ta tuma luga na El Salvador.
Ultimo sinku lunannan Kim a entrená na Kòrsou, Venezuela i Miami. Dia 3 di novèmber próksimo e ta biaha pa El Salvador. Kim Rossen mes ta indiká ku e ta kompletamente klá pa enfrentá e reto.
Komo parti di su partisipashon na e sertamen, Kim a traha un video. Por mira e video aki riba e siguiente link: https://v.citalks.com/vfc/entries. Tur hende ku ta deseá pa sostené Kim ku su partisipashon na Miss Universe International, ta invitá pa vota riba nos kandidata, ku ta representá su isla natal Kòrsou.