KOMUNIKADO DI PRENSA 522/2023
6 novèmber 2023

Detenshon relashoná ku ladronisia di piesa di outo

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di ladronisia di piesa di outo ku
a tuma lugá den luna di ougùstùs último den área di Mgr. Nieuwindtstraat, polis a
realisá un detenshon mas.
Djaluna 6 di novèmber 2023 alrededor di 16.20’or, personal di e tim ku ta investigá
ladronisia di vehíkulo a hasi detenshon, di e hòmber sospechoso S.A.M., nasé na
Kòrsou di 24 aña di edat. E detenshon aki a tuma lugá na warda di reshèrshi na
Kaya Jose Pinedo. Tambe polis a konfiská piesa di outo prosedente di ladronisia.
A presentá e sospechoso dilanti un fiskal ouksiliar ku despues di su interogashon a
ordená su enkarselamentu pendiente di mas investigashon.