TRABOUNAN DI MANTENSHON RIBA CADUSHISTRAAT TA KUMINSÁ DJARASON 8 DI NOVÈMBER
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI MANTENSHON RIBA CADUSHISTRAAT TA KUMINSÁ DJARASON 8 DI NOVÈMBER
PUBLIKÁ RIBA 07 NOVÈMBER 2023
Willemstad – Minister Charles Cooper huntu ku Servisio pa Obra Públiko (OW) ta informá ku riba djarason 8 di novèmber, trabounan di mantenshon ta kuminsá riba Cadushistraat.
Den e proyekto ‘Life Extension’ su segundo fase di mantenshon di kaya, Cadushistraat su turno tambe a yega. Djarason 8 di novèmber anochi pa djaweps 9 di novèmber, ta kuminsá ku ‘freeswerk’ na Cadushistraat.
Kontratista CWM ta na enkargo di trabounan pa Cadushistraat. Durante éhekushon, habitante i negoshinan ku ta keda riba e kaya ariba menshoná por yega na nan kas òf establesimentu libremente. Pa outomobilistanan ku lo mobilisá via di e karetera aki, lo tin ruta alternativo indiká pa barínan oraño i bòrchi.
OW ta hasi un apelashon na tur outomobilista pa kore ku koutela.
