GEZAGHÈBER BONEIRU A BISA KANDIDATO TWEEDE KAMER: “MAS HENDE TIN KU VOTA.”
GEZAGHÈBER BONEIRU A BISA KANDIDATO TWEEDE KAMER: “MAS HENDE TIN KU VOTA.”
Nolly Oleana, Gezaghèber suplente di Boneiru, ta spera ku mas hende na Boneiru ta bai vota pa e elekshon Tweede Kamer na 22 november i lo kier oumentá e porcentahe di persona ku ta vota di 23% (na 2021) te 40% e aña aki. Ela bisa esaki den un konversashon ku e kandidato pa e elekshon Walter Hellebrand di partido BBB ku tabata na Boneiru pa hasi kampaña. “Votadónan di Hulanda Karibense mester laga su bos wòrdu skuchá na 22 november den e elekshon pa e parlamento di e reino. Kada isla tin su propio kuestionnan pero tur nos bos tin ku bai Den Haag dor di nos vota. Ta asina ku nos por pone Den Haag skucha e 30.000 habitante di nos islanan,” Oleana a bisa.
Hellebrand a puntra e Gezaghèber ki difukultat i reto e Bonairianonan ta konfrontá awor. “E preisnan den supermerkadonan riba tur e islanan a subi manera un rakèt,” Hellebrand a konkluí. “E partido BBB ke reforza e kultivashon di kuminda lokal. Produktonan di agrikultor lokal ta mas fresku, mas saludabel I mas barata. Ta un situashon win-win-win. Tambe, pa un bida salú tur hende mester tin un kas bon, i kuido di salu dor di profeshonal di salú en bes di kompania di seguro.”
Hellebrand a nase i krese na St. Eustatius i a bai skol na MIL na Korsou. E ta e so kandidato regional di Karibe pa e Tweede Kamer i e so kandidato ku ta hasi kampaña na e islanan. E ta number 49 riba e lista di BBB, lista 15.
