“Social Climbing/ Eskalada Sosial” tei lamentablemente na Kòrsou tambe. E por ta bon, e por ta peligroso tambe
“Social Climbing/ Eskalada Sosial” tei lamentablemente na Kòrsou tambe.
E por ta bon, e por ta peligroso tambe
Trabou pa Kòrsou TPK, e gobernantenan organiko ta siguí tresé informashon verídiko i edukativo pa informa nos pueblo i siguí yuda na pueblo su kresementu.
E bia aki nos ta trese “Eskalada Sosial/ “Social Climbing”. Eskalada Sodial ta referí na persona ku ta hasi akshonan pa trata di mehorá posishon sosial òf statùs den sosiedat. Ta un termino generalmente asosiá ku persona nan ku lucha pa optené akseptashon i rekonosimentu dor di asosiá nan mes ku persona nan ku tin un posishon sosial mas haltu den komunidat, òf dor di tuma parti den aktividatnan ku ta konsiderá prestihioso òf eksklusivo. Sin embargo media sosial tambe ta yuda den esaki.
E hende ku ta pèrsiguí eskalada sosial spesífika mente ta buska subí su statùs sosial dor di diferente medio, manera eventonan di konekshon, uní ku klup nan òf organisashon nan “Elite”, òf sigui un karera ku hopi prestígio. Tambe nan por enfoká riba materialnan den nan bisendario òf komportashon pa proyektá un imágen di statùs haltu.
Sinembargo, ta importante pa nota ku e manera ku hende ta mira eskalada sosial por diferensia entre kada hende. Algun por mir’é komo un manera positivo pa mehorá nan bida i oportunidat nan, mientras otro por hañ’e un autentisidat falsu.
Na final, sea ku eskalada sosial ta konsiderá aseptabel òf no, ta diskushon ku ta dependé di normanan, kultura i balor nan individual lo disidi esaki. Ta importante pa mantené integridat i autentisidat den kualkier búskeda di mehoramentu sosial, respetando e limitenan di otro.
Trabou pa Kòrsou ta keda enkurasha kada bes ku nos slogan; “Let’s fix Curaçao”,
“Ban drecha Kòrsou”, i sa ku esei semper ta kuminsa serka bo mes. Manera e dicho ta bisa na hulandes “Aapje ziet, aapje doet”, kier men duna e bon ehempel, pa asina bo pueblo por mira e ehempel i sigui bo.
sra. Abigaïl Mahalja Boelijn
