Update tokante situashon di suministro di koriente

Fecha: 14 di Novèmber 2023

Ora: 16.50

Willemstad- Awe mèrdia alrededor di 14:00 ‘or a surgi un ‘blackout’. Investigashon preliminar ta indiká ku un di e kabelnan prinsipal ku ta transportá koriente entre e sub-stashònnan na Nijlweg i Weis a sufri un korto sirkuito. Ta bon pa enfatisá ku no ta trata di falta di kapasidat di produkshon.

E sub-stashòn na Nijlweg ta un di e puntonan di mas kardinal den transportashon di koriente na Kòrsou. Konsekuentemente, e kabel ku a kibra a krea un desbalansa kompletu riba nos ret di transportashon i distribushon di koriente afektando nos produkshon total di koriente.

Ta hasiendo e tramitenan pa restablesé koriente primeramente pa área p’ariba, miéntras ku ta sigui traha pa restablesé suministro di koriente pa e área p’abou mas pronto posibel.