“Miembronan di JCI Willemstad, Sheryl-Renfrum-Sordam i Shakira SedneyAlbertoe ta atkerí posishonnan internashonal”

Junior Chamber International (JCI) den su kongreso anual mundial ku ta tumando
lugá aktualmente na Zurich, Suisa a skohé nan direktiva pa liderá e organisashon
den aña 2024. Sr. Kaveen Kumaravel, prosedente di India a keda elegí komo
Presidente mundial 2024. Kòrsou formando parti di e delegashon di Dutch
Caribbean a logra optené 2 puesto ehekutivo den e direktiva internashonal. JCI
Willemstad ta sumamente orguyoso na promé luga di su miembro Sheryl RenfrumSordam, kende a liderá e kapítulo komo presidente lokal na aña 2019 i e
organisashon nashonal na 2021 komo presidente nashonal. Sheryl a anunsia su
kandidatura pa e puesto di Vise Presidente internashonal na komienso di aña 2023 i
a pasa den e proseso di preparashon ku finalmente a kulmina na e kongreso
mundial, kaminda el’a keda elegí komo Vise-Presidente. Sheryl lo tin e paisnan
Bolivia, Jamaica, Merka, Surnam i West Indies na su enkargo pa ku su bishitanan
ofishal den su kalidat di Vise-Presidente internashonal.
Finalmente Shakira Sedney-Albertoe, presidente lokal 2021 i aktual presidente
nashonal a keda apuntá komo representante di e bloke Merikano den e komishon
stratégiko i implementshon di plan di akshon pa 2024.
JCI Dutch Caribbean ta konsistí di seis organisashon lokal riba Aruba, St. Maarten,
Boneiru i Kòrsou. JCI su meta prinsipal ta pa trese kambio positivo den komunidat
dor di ehekutá diferente proyekto ku ta aportá na e komunidat di Kòrsou den un
forma positivo i sustenibel. Tur persona entre 18 i 40 aña di edat ku ke ta un líder
emprendedó por bira aserka i bira miembro di JCI. Pa mas informashon por bishita
nos pagina di facebook JCI Willemstad.