Angelli Meyer a yega Isla de Margarita pa e sertamen di Miss Teen Charm 2023

Angelli Meyer a yega Isla de Margarita pa e sertamen di Miss Teen Charm 2023

 

Willemstad- nos representante na e sertamen di Miss Teen Charm International 2023 a yega Venezuela  i  ta kla pa representá Kòrsou.

 

Angelli Meyer a yega bon huntu ku su famia i direktor i a keda risibí pa e organisashon Internashonal.

 

Na momentu ku Angelli a drenta èrpòrt, e la haňa  masha reakshon di turista nan i hende nan lokal. Nan tabata desea pa saka potrèt kuné. Angelli a haňa  masha komentario posítivo.

 

Angelli ta un dje partispante nan fuerte den kompetensia i ta halando hopi atenshon ku kada vestuario i su presensia.

 

Tur representante mester a topa na Caracas pa via un buelo privá biahá pa Isla de Margarita. Durante e biahe aki, Angelli a haňa chèns pa kompartí ku e otro partisipante nan di e diferente pais nan.

 

Na yegada a tuma luga e famoso “Cena de Bienvenida” kaminda Angelli a risibí su sasch ofisial di Kòrsou.

 

Durante  siman lo tin diferente aktividat kaminda nos Angelli lo forma parti di dje. Pueblo di Kòsou por sigui sostené Angelli via su página di Instagram ku ta angelli_meyer pero tambe via di e pagina di Instragram di organisashon ku ta missteencharminternational por sigui tur desaroyo di Angelli i e sertamen.