Angelli Meyer halando hopi atenshon na Venezuela den e sertamen di Miss Teen Charm International 2023

Angelli Meyer halando hopi atenshon na Venezuela den e sertamen di Miss Teen Charm International 2023

 

Wilemstad- Queen Making Queens Organization ta sumamente orguyoso di e trabou ku nos representante ta hasiendo na Isla de Margarita Venezuela den e sertamen Miss Teen Charm International 2023.

 

Angelli Meyer a sa di representá Kòrsou na un nivel haltu, danki na e preparashon I dedikashon ku e la risibí. Apesar di su edat hóben, di apenas 15 aña, e ta kompitiendo dur ku paisnan grandi manera; Venezuela, Peru, Caribbean Island, Argentina i mas.

 

For di momentu ku Angelli a yega Venezuela, e la sa di hala hopi atenshon ku su selekshon di vestuario adekuá pero tambe ku su look ku ta un kombinashon di modelo i Miss.

 

Direktor di QMQ Organization  Ayanette, a konta ku unda ku nos representante pasa, hendenan ta aserké pa saka potrèt. Di aleu nan ta grita Curaçao i ta bati man p’é. Ta un orguyo pa ta huntu kune i biba e eksperensia aki.

 

Nos representante a sa di hasi un hopi bon trabou i ta lusi inpekabel den kada salida.

 

Durante siman Angelli Meyer tin un skema basta intensivo ku diferente ensayo, produkshon di potrèt i video. Tambe e organisashon a duna oportunidat pa konosé varios area turístiko di Isla de Margarita.

 

Djasabra awor, 2 di desèmber 2023 ta e gran final di e sertamen i por sigui esaki via e canal di youtube oficial di Miss Teen Charm International. E show lo kuminsa 7or di anochi.

 

Tambe por sigui tur desaroyo di e sertamen via e pagina di Queen Making Queens Organization.

 

Inmediatamente Queen Making Queens Organization  ta invite pueblo di Kòrsou pa bin risibí nos Angelli Meyer djamars 5 desèmber 2023 pa 11:30 na aeropuerto Hato Internashonal. Pa nos  Angelli ya e ta un ganador.