Festival di Funchi

Sea tabata den sòpi, popcorn òf den kolansaco, funchi i maishi tabata den tur kuminda presente durante e Festival di Funchi djadumingu ku a pasa. E festival a tuma lugá na tres skol di fundeshi na Bándabou.
Festival di Funchi a pone alumnonan di e skolnan na Bándabou bira hopi kreativo ku maishi. Nan a traha diferente plato. E kreatividat a sinta den kon a kue maishi i hasi algu diferente kuné. Na Kolegio San Hosé a pone balon na porta den forma di un maishi. A pidi tur bishitante saka potrèt banda di nan. Na Kolegio Annie Koenraad ta tin kolansaco, un saku yena ku funchi hasa i karni. Na Kolegio Don Sarto na Soto ta tin un alumno disfrasá na maishi. Alumno i maestronan di skol a haña sosten di mayornan ku masal a bin wak i kumpra e produktonan. Organisando e Festival di Funchi, Fundashon Negoshi Pikiña kier stimulá alumnonan pa bira komersiante. Pa nan lanta nan mes negoshi despues. A haña sosten di entre otro MCB, Qredits i Representashon di Hulanda.