PAGAFASIL TA HASI POSIBEL PA BO REGALA UN PERSONA SU AWA I KORIENTE PAGA PA E LUNA DESÈMBER
Partisipá ku chèns di kompartí ku un ser kerí
PAGAFASIL TA HASI POSIBEL PA BO REGALA UN PERSONA SU AWA I KORIENTE PAGA PA E LUNA DESÈMBER
Willemstad 10 di desèmber 2023- E Pasku aki Pagafasil ta hasi posibel pa abo por yuda un otro persona paga su resibu di utilidat kompletu den luna di desèmber. Lo saka e ganadó di e tremendo kampaña aki dia 22 di desèmber 2023. Pagafasil lo kubri su kuenta di awa i koriente di desèmber kompletu.
E kampaña aki no ta un kampaña komun, kaminda bo por like, share i saka potrèt pa gana algu pa bo mes, pero e ta unu kaminda bo ta hasi un otro ser kerí felis i kontentu. Pa partisipá ta fásil. Manda Pagafasil un video di máksimo 1 minüt via Facebook òf Instagram den kua bo por nominá e persona ku bo ta deseá pa gana. Bo mester duna tambe e rason dikon e persona meresé di haña su resibu di awa i koriente pagá pa Pasku.
“Nos di Pagafasil kier kompartí i demostrá pueblo, ku e regalo mas dushi ta pa yuda i duna na un otro, prinsipalmente den e temporada di Pasku” – Janelle Flemming, Manager di Pagafasil a bisa.
Pa kualke pregunta òf remarke, por tuma kontakto ku Pagafasil na 560-0045 òf email info@pagafasil.net.
