Den nos afan pa empoderá nos klientenan, UO Reclassering Curacao a bolbe brinda e treining di Abilidat Sosial na un grupo di kliente.

UO Reclassering Curacao

Den nos afan pa empoderá nos klientenan, UO Reclassering Curacao a bolbe brinda e treining di Abilidat Sosial na un grupo di kliente.
E treining a enfoká riba abilidatnan sosial di e partisipantenan i tambe a brinda e grupo konosementu balioso pa nabegá efektivamente den situashonnan sosial, desaroyo di relashonnan positivo, i promoshon di abilidatnan di komunikashon.
Durante e seshonnan a bai mas aleu; a enfoká tambe riba e tereno di “personal branding” i “entrepreneurship”, kual lo yuda nos klientenan pa mantené nan mes finansieramente den nan proseso di resosialisashon.
Empresaria tabata un di e temanan ku a mové e gupo ku a asistí mas tantu, mirando ku mayoria tin un negoshi propio òf tin interes pa kuminsá nan mes negoshi.
E grupo tabata unu ku entusiasmo i gana di siña. Durante di e seshon final tur e partisipantenan a indiká ku e treining tabata sigur unu edukativo. Ku e komentario aki nos por mira bèk na un treining éksitoso.
Nos palabranan di gratitut pa e entrenadónan Vianella Gijsbertha di Strive Caribbean i Jason Obispo di Brain.9 ku a brinda e treining aki na nos klientenan.