KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

HURAMENTASHON DI SR. JAIR TROMP KOMO KOMANDANTE DI BRANTWER KÒRSOU

Ayera a tuma lugá e seremonia ofishal kaminda Minister Hato a huramentá sr. Jair Tromp komo komandante di Brantwer Kòrsou.
Den kuadro di vakatura nan “kritische functies 2022” ku Ministerio di Hustisia tin, Minister Hato a inisiá ku e prosedura pa yega na un komandante nobo pa Brantwer
Kòrsou. Dia 16 di òktober último, Jair Tromp a inisiá na Brantwer Kòrsou den e funshon komo komandante di Brantwer pa guiá i liderá e kuerpo di bombero. Sr. Tromp den pasado a fungi komo Komandante General di kuerponan di Brantwer na islanan BES.
Komo komandante nobo, sr. Tromp entre otro lo mester sòru pa implementashon di e asina yamá “Plan di Fortifikashon Brantwer” (Verstevigingsplan Brandweer) kual trayekto lo atendé e siguiente áreanan di atenshon:
1) Organisashon i funshon,
2) Areglo di posishon hurídiko,
3) Sistema di formashon profeshonal,
4) Lei i regla,
5) Plan di komunikashon interno i eksterno.
Bonbiní na sr. Jair Tromp den e kadena hudisial i éksito ku e trabounan ku e lo desplegá komo komandante nobo pa Brantwer Kòrsou.
639114718427035"
639114718427035"