QMQ Organization ta klá pa su proksimo beyesanan representá Kòrsou na Miss Teen Grand Universo

QMQ Organization ta klá pa su proksimo beyesanan representá Kòrsou na Miss Teen Grand Universo

Willemstad – Queen Making Queens Organization ta e organisashon di beyesa ku produkshon international mas grandi na e momento aki na Korsou i e tim ta kla pa e siguiente reto International. Di 22 pa 28 di Februari 2024 lo tuma luga e prestigioso certamen Miss Teen Grand Universo na Cartagena, Colombia. Un sertámen ku ta gosa di un popularidat grandi internashonal. Pa di kuater aña konsekutivo e sertámen tin mas ku 20 partisipante di diferente parti di mundo, ku ta kompetí pa e prestigioso korona den tres diferente kategoria.

 

Miss Teen Grand Universo ta para pa ta un sertámen ku no ta enfoká unikamente riba e beyesa fisiko pero tambe e parti di labor sosial. E enfóke ta bai pa konose e kultura di kada pais i mustra e diversividat den beyesa internashonal, kombina ku labornan social ku ta engrandese e balornan humano lokal i international.

 

QMQ Organization pa prome biaha ta bai un certamen international ku 3 representante. Kada unu den nan mes kategoria di kompetensia. Esaki sigur ta kontribui na e meta di QMQ Organization, esta duna mas hoben opportunidat i eksperensia international.

 

Amanda Verkerk ta e aktual ganador maksimo di QMQ Organization, nos Miss Teenage Globe Curacao 2023 ku lo representa Korsou den e kategoria maksimo, esta Miss Teen Grand Universo 2023. Amanda Verkerk ta un hoben di 17 ana di edat, studiante di Radulphus College i ku un pashon i talento grandi pa e mundo di beyesa.

 

Liyanne Hoevertsz, un hoben di 19 ana di edat, studiante di Eligia Martier SBO ku lo representa Korsou den e kategoria di Miss Teen Petite Grand Universo 2023. Liyanne Hoevertsz no ta deskonosi den e mundo di beyesa. E la participa na un certamen local i tambe a representa Korsou na ana 2021 i a keda komo prome finalista di Miss Teen Petite Globe International.

 

Zheenha Aniseto tin 14 ana di edat i ta studiante di Kolegio Alejandro Paula. Zheenha ta aktualmente Miss Pre-Teenage Globe Curacao 2023 i lo representa Korsou den e kategoria di Miss Pre-Teen Grand Universo 2023. Zheenha tambe no ta deskonosi den e mundo di beyesa komo e ta nos Little Miss Curacao 2018 di dos finalista di Reina hubenil Karnaval Korsou 2019.

 

QMQ Organization ta sumamente orguyoso di pone su konfiansa den e tres hobennan aki i nos sa sigur kaba ku nan lo bai hasi un bon trabou pa Korsou.

 

 

Preparashon nan lo ranka Sali oficialmente awe komo tur kos mester ta kl apa luna di Februari 2024.

 

Tur tres representante lo bai risibi lèsnan di public speaking, pasarela, orientashon i tur e preparashon di e selekshon di paña pa e sertamen ta bou di diseñador nan di Kòrsou i international. Tambe manera kustumbra di QMQ Organization, nos beyesanan lo ta den diferente produkshon di video i potrèt pa asina mustra e bunita kultura i historia di Kòrsou.

 

For di awor por sigui tur media social di nos tres representantenan pa mustra e apoyo i sosten.

 

QMQ Organization lo sa di keda informa pueblo di Korsou di tur detayes rondo di e preparashon di nos beyesanan atraves di nos páginanan sosial riba facebook i Instagram. Tambe por kuminsa vota pa nos representantenan via e paginanan social di Miss Teen Grand Universo via Facebook i Instagram.

 

QMQ Organization ke yama un danki grandi na mayornan di nos representantenan pa tur e konfiansa i sosten pa huntu traha pa logra e meta. Boso sosten ta hopi importante den e proceso. Tambe un danki ta bai na hinter e tim ku ta trahando duru pa nos representante por hasi un bon trabou. Nos ta siguí kere den prepará nos hóbennan for di awor ku eksperensia international, pa por wak nan bèk den sertámen nan grandi representando Kòrsou den futuro.

 

 

Korsou, 19 desember 2023