KOMUNIKADO DI PRENSA 618/2023
22 desèmber 2023

Konfiskashon di varios vehíkulo prosedente di ladronisia

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 22 di desèmber 2023 e tim ku ta enkargá ku investigashon di ladronisia di
vehíkulo a haña informashon ku den un mondi den área di Skèrpènè tin varios vehíkulo
prosedente di ladronisia.
Mesora e tim a dirigí su mes na e sitio i na su yegada el a bin topa ku 8 vehíkulo ku ta
prosedente di ladronisia, hinká den un mondi.
Ta trata di e vehíkulonan di marka Kia Picanto i Forte i Hyundai Accent.
Segun registro e vehíkulonan lo a wòrdu hòrtá entre 11 di novèmber 2023 pa 20 di
desèmber 2023.
Na e sitio a haña algun plachi di number ku a wòrdu hòrtá den e mesun temporadá ariba
menshoná.
Investigashon den e kaso di ladronisia aki ta kontinuá.