Detenshon pa no sigui instrukshon duná dor di polis

KOMUNIKADO DI PRENSA 619/2023
24 desèmber 2023

Detenshon pa no sigui instrukshon duná dor di polis

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 24 di desèmber 2023 alrededor di 00.28’or, Sentral di Polis a dirigí un unidat pa
un adrès na Kaya Turmalina pa siudadanonan ku a pidi asistensia.
Na momentu ku e unidat di Rio Canario tabata aserkando e adrès ei, nan a tuma nota di
tres hòmber ku a move ku velosidat haltu for di e sitio den un pikòp blanku.
Mesora polis a kuminsá ku un persekushon tras di e vehíkulo aki, ku a bin tèrminá te den
Juan Domingo.
E unidat polisial a logra di detené dos persona, e hòmbernan J.B.W. di 20 aña di edat i
K.M.B. di 39 aña di edat, ámbos nasé na Kòrsou pa no sigui instrukshon duná dor di polis.
E vehíkulo a keda konfiská pa mas investigashon.