KOMUNIKADO DI PRENSA 013/2024
12 yanüari 2024

Petishon pa búskeda di e hòmber Valdemiro Martis

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis ta pidi búskeda di e hòmber Valdemiro Martis, nasé na Kòrsou di 88 aña di edat.
Djaweps dia 11 di yanüari 2024, alrededor di 17.00’or e hòmber aki a sali kas ku
destinashon Brionplein kaminda e sa tin kustumber di sinta i no a regresá su kas bèk.

 

Valdemiro tin e siguiente deskripshon:
Haltura: 1.75 m;
Postura: normal;
Forma di kara: oval;
Kabei: blanku kòrtiku pelá;
Koló di wowo: maron skur;
Na momento ku Valdemiro a sali kas e tabatin un kamisa maron bistí.
Polis ta supliká tur persona ku por duna kualke informashon tokante di e hòmber aki pa tuma kontakto ku polis na number di telefòn 917 òf e number anónimo 108.