No tin derecho di prekario riba ruta di Karnaval di Banda Bou

KOMUNIKADO DI PRENSA 035/2024
24 yanüari 2024
No tin derecho di prekario riba ruta di Karnaval di Banda Bou
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis a tuma nota ku ya pa basta dia, diferente siudadano a kuminsá marka e sitio na unda
nan lo ke para riba dia di marcha di Karnaval di Banda Bou.
Den diferente di e kasonan aki, ta trata di personanan i/o gruponan ku ya pa basta aña a
para na e sitio ei.
Entre nan tin siudadanonan tambe ku sea pa promé bia ta bai para wak e marcha na Banda
Bou òf ta skohe pa kambia di sitio.
Ku tur komprenshon, Kuerpo Polisial ke enfatisá ku kontrario na marchanan di p’ariba, pa
Banda Bou no tin derecho di prekario, pues ningun hende por reklamá òf eksigí un sitio di
para, ku e argumento ku semper ta einan el a para wak Karnaval di Banda Bou.
Polis ta hañé kontinuamente ta intermediá den diskushonnan inesesario entre personanan
ku a bin hustamente pa dibertí.
Karnaval ta un fiesta di ambiente i di goso, i nos ta spera ku tur siudadano ku ta bai forma
parti di e públiko, lo sa di respetá otro i duna otro e espasio pa disfrutá.