PROMÉ MINISTER ta splika i duna mas klaridat pa ku e konfushon ku a krea rondo di vdc na kòrsou
PROMÉ MINISTER ta splika i duna mas klaridat pa ku e konfushon ku a krea rondo di vdc na kòrsou
Willemstad – Promé Minister sr. Gilmar Pisas ta duna splikashon i aklará e konfushon ku a keda krea rondo di Veiligheidsdienst Curacao (VDC) den medio di komunikashon dia 31 di yanüari 2024.
Basa riba artíkulo 22 di e Landsverordening Veiligheidsdienst Curaçao (VDC),
Presidente di Korte di Hustisia di Aruba, Sint Maarten, Boneiru, Saba, Statia i Kòrsou, ta apuntá e Presidente (Voorzitter) di e Komishon di Supervishon pa VDC.
E komishon aki ta konsistí di:
- Un Wes di Korte na Aruba;
- E Voorzitter di Bezwarencommissie di Kòrsou;
- Direktor di SOAB;
- Un Griffier di Korte di Hustisia ku ta fungi komo sekretaris di e Komishon di Supervishon.
Dia 15 di yanüari 2024 e Voorzitter anterior a bai ku “ontslag” i debí na esaki e Presidente di Korte di Hustisia a apuntá un Voorzitter nobo, kende awor ta Sra. Tijhuis.
Sra. Tijhuis ta wes na Kas di Korte na Aruba i lo fungi komo Voorzitter di e Komishon di Supervishon pa VDC.
VDC tin su Voorzitter na Aruba, VDA na Aruba tin su Voorzitter na Hulanda i VDSM na Sint Maarten tin su Voorzitter na Kòrsou.
Pues e direktor di VDC na Kòrsou NO a kambia!
