KOMUNIKADO DI PRENSA 053/2024
5 febrüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Bestia di laman ta heridá hòmber ku tabata landando

 

Djaluna 5 di febrüari 2024 alrededor di 08.30’or, Sentral di Polis a risibí informashon ku un
hòmber ku tabata landando na e playa na Caracasbaai, diripiente a risibí herida, den e kaso
aki un mordé òf piká, di un bestia ku tabata den awa.
Ambulans a yega na e sitio i a transportá e víktima di kua su kurpa tabata rebultá, pa Sala di
Emergensia di C.M.C.
Na promé instante personanan den serkania a pensa ku lo ta trata di ‘Pèchi Portugues’,
pero despues a komprondé ku ta trata aki di algun bestia di laman ku ta bini den diferente
forma i ku hopi tengla.
No ta muchu kla ainda ta ki tipo di bestia ta trata aki.
Polis a saka tur hende ku tabata landando na e momentu ei for di awa i a pone ‘lint’
indikando pa por lo pronto no usa e playa ei pa landa.
Ta tratando huntu ku instansianan konserní pa saka afó ta di kua bestia di laman ta trata
aki.