KORE KU KOUTELA RIBA RUTA DI KARNAVAL ORA ESAKI TA HABRI
MINISTERIO KONSERNÍ TRÁFIKO, TRANSPORTE I PLANIFIKASHON URBANO
KORE KU KOUTELA RIBA RUTA DI KARNAVAL ORA ESAKI TA HABRI
PUBLIKÁ RIBA 09 FEBRÜARI 2024
Willemstad – Nos ta den e dushi temporada di Karnaval. Nos falta nèt algun dia mas! Riba e ruta di Karnaval tin diferente stènt, stelazje, trailer, banki, i/òf stul, i na mayoria parti tin ‘dranghek’ tambe butá. Tur esaki ta hasi ku e espasio riba e kaminda pa outo kore ta bira un poko mas smal ku normal.
Den e kuadro aki, VVRP ta hasi un apelashon na tur outomobilista, ku ta tráfika riba ruta di Karnaval, pa kore ku koutela. Kore trankil riba ruta ora e ta habri.
Lamentablemente, outomobilistanan ta kore di un manera iresponsabel i sin tene kuenta ku e situashon.
Ban nos tur huntu sigui disfrutá di temporada di Karnaval sin aksidente lamentabel den tráfiko.

639114718427035"
639114718427035"
