Petishon pa informashon konforme art. 48 RdO

Na: Presidente di Konseho Insular di Boneiru

Na atenshon di sr. R. Oleana

Presente

 

Fecha: 9 di febrüari 2023

 

Tópiko: Petishon pa informashon konforme art. 48 RdO

 

Apresiabel sr. Oleana,

 

Nos frakshon a bin diskubri ku Konseho Insular a regalá su mes ketu ketu asina, un montante di mitar mion di dòler. Awo tiki tiki ta bin aparenta ku ta ultimo momentu a kambia e ordenansa pa loke ta trata e ordenansa pa ku kambio di kompensashon di frakshon den konseho insular, ku resultado ku esaki a bira dos biaha i mei mas karu.

 

Konforme artíkulo 172, insiso 2 di nos WolBES, un gezaghèber ta promové integridat atministrativo. Tumando na kuenta ku loke a keda deklará den media ku ta nifiká un impakto sumamente grandi riba e integridat di Konseho Insular, pero tambe Boneiru den su totalidat, nos frakshon a kuminsá hasi un investigashon preliminar.

 

Artíkulo 7, insiso 3 di e konsepto (ontwerp verordening rechtspositie raadsleden en aanstelling en rechtspositie buitengewone eilandsraadcommissieleden Bonaire 2023) numerá ER-2023000495, ta preskribí lo siguiente:

E konsepto di ordenansa menshoná a keda ofresé na konseho insular via e grifir dia 28 di sèptèmber 2023. Esaki den kuadro di un reunion èkstra ordinario di forma i tuma desishon solisitá pa frakshon di UPB, ku a keda konvoká pa dia 3 di òktober 2023. Den e konsepto di lei tin pará ku esaki a keda ofresé tumando na kuenta e proposishon di presidio di dia 6 di ougùstùs 2023.

 

E ordenansa den konsepto den promé instansia ku ta datá di dia 14 di sèptèmber e siguiente teksto pa loke ta trata art. 7 insiso 3 ta keda preskribí komo tal:

 

Normalmente e proseso ta ku e konsepto ta keda tratá den e komishon fiho ‘Werkwijze’, un relato final di e reunion ta keda kompilá, i un karta firmá pa e presidente di e komishon menshoná ku ta sra. Coffie,  mester keda mandá pa presidio suplikando ku e ordenansa den konsepto akompañá pa e eventual kambionan, keda agregá riba agènda di e siguiente reunion públiko di konseho insular di Boneiru.

 

Nos frakshon no por enkontrá tal relato i tampoko e karta pa presidio kaminda ta indiká ku a hasi sierto kambionan na e ordenansa den konsepto. Sí nos a risibí e konvokashon di un reunion èkstra ordinario, pidí pa e frakshon di UPB, kaminda ta supliká un reunion di forma i tuma desishon pa dia 3 di òktober 2023. E tópiko di urgensia tabata ta e aprobashon di e promé i di dos raportahe di ehekushon 2023 (uitvoeringsrapportage) i tambe e di promé i di dos kambia di presupuesto 2023 i un presentashon di e presupuesto di 2024.

 

Normalmente ta asina ku loke ta riba agènda di forma opinion lo mester tei atrobe riba e agènda di forma opinion. Investigashon di nos frakshon a mustra ku no a sigui e prosedura aki. A agregá 5 punto èkstra sin motivashon (mira athuntu). E prosedura korekto ta ku presidente di konseho insular ta pidi pa agregá puntonan èkstra, hopi biaha a base di un desishon di presidio.

 

 

E desishon na punto 11 ku ta trata e ordansa den konsepto ku a keda tratá dia 3 di òktober 2023 den e reunion di tuma desishon tabata lo siguiente:

 

 

Tumanda na kuenta tur e maniobranan straño konstatá di parti di nos frakshon, a base di artíkulo 48 di nos Reglamentu di Òrdu, nos kier a supliká bo persona pa e siguiente informashon.

 

1. Dikon e ordenansa den konsepto (ER-2023000495) ta keda ofresé na konseho insular pa tratamentu sugeriendo ku esaki ta a base di e proposishon di presidio di dia 6 di ougùstùs 2023?
2. Konseho Insular por risibí e relato di presidio di dia 6 di ougùstùs 2023?
3. E ordenansa den konsepto menshoná a keda tratá den e komishon fiho ‘Werkwijze’?
4. Konseho Insular por risibí e relato di e reunion en kuestion di e komishon menshoná?
5. Presidio a risibí un karta di e komishon menshoná suplikando pa pone e ordenansa den konsepto riba agènda di e siguiente reunion públiko di konseho insular?
6. E komishon a supliká kambionan den e konsepto manera menshoná anteriormente?
7. Si e kontesta ta nò, kon ta posibel ku tin kambionan sin ku esaki a keda tratá pa medio di un nota di kambio?
8. Ta ken ta responsabel pa e prosesonan di aprobashon i eventual kambionan kana na un manera transparente, efisiente i efikás?
9. Si e proseso no a kana bon, kua ta e vershon di e ordenansa ku ta na vigor aktualmente?
10. Bo persona lo destruí e desishon pa asina konseho insular por bolbe tuma un desishon al respekto?
11. Kiko ta e medidanan ku bo persona lo tuma pa salbaguardia integridat di prosesonan di kambionan di lei i regla pa asina fortifiká transparensia i bon gobernashon?
12. Kua vershon di e ordenansa representante di reino a risibi pa por a duna su konseho riba dje?
13. Representante di reino ta na altura di e implikashon finansiero di e ahuste aki pa kada frakshon di konseho insular?
14. Kon por ta ku Ministerio di BZK por medio di representante di reino ta mira esaki nan sosode, ku e montante nan menshona i no ta aktua den e kaso aki?
15. Kiko ta medidanan ku Ministerio di BZK lo bai tuma?

 

En espera di kontestashon mi ta keda,

 

Atentamente,

 

 

 

1. Wout

Lider di frakshon di MPB