Ana Maria Pauletta a aportá na un karnaval mas limpi, ku proyekto un #Korsou limpi!

Ana Maria Pauletta a aportá na un karnaval mas limpi, ku proyekto un #Korsou limpi!

 

Ku plaser nos ta informá ku e proyekto #kòrsoulimpi, durante e periodo di Karnaval 2024, tabata un éksito rotundo. Durante último 3 aña sra. Ana Maria Pauletta a bin ta traha na konsientisashon di komunidat di Kòrsou tokante e problemátika di sushedat i e benefisiosonan di resiklahe. Den kuadro di esaki a nase e proyekto #kòrsoulimpi.

 

Durante di e temporada di karnaval 2024, esaki a keda ekstendé ku un Karnaval Limpi. Durante e periodo di karnaval ku a terminá ayera, diferente grupo di karnaval hubenil i adulto a risibí paketenan di saku di sushi. Gruponan a risibí e inisiativa ku man habri.

 

Tambe den koperashon ku Radio Krioyo, djaweps promé ku marcha di tiner. Sra. Pauletta i e tim di #kòrsoulimpi a subi Rooseveltweg pa parti saku di sushi pa outomobilistanan, ku e petishon pa tene nos Karnaval limpi.

 

Komo akshon final pa e temporada di karnaval 2024 e tim di #kòrsoulimpi a uni ku Green & Clean Curaçao NOW riba pa parti saku di sushi, riba e ruta,  promé ku marcha di adulto, pa parti. Tabata un plaser pa wak kon e personanan ku tabata wardando karnaval yega a risibí e sakunan ku man habri i realmente a demostrá nan apresio i kompromiso dor di mesora kuminsá hasi uso di e sakunan.

 

En total, a parti mas ku 3000 saku di sushi, loke ta yena e tim di #kòrsoulimpi ku satisfakshon i plaser. Sumamente agradesido di por a kontribuí na un Karnaval mas limpi. Keda pendiente, paso e tim di kòrsoulimpi lo tin mas akshon den kuadro di tene nos pais limpi na kaminda !!

 

 

___________________________________________________________________________________

Ana Maria Pauletta