Medida di tráfiko riba F.D. Rooseveltweg relashoná ku salida di Gran Marcha di Despedida

KOMUNIKADO DI PRENSA 067/2024
13 febrüari 2024

Medida di tráfiko riba F.D. Rooseveltweg relashoná ku salida di Gran Marcha di Despedida

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Pa por garantisá un mihó fluho di vehíkulonan na salida di e Gran Marcha di Despedida awe
djamars 13 di febrüari 2024, polis a tuma un medida alternativo temporal pa ku tráfiko riba
F.D. Rooseveltweg.
Tres (3) ora promé ku salida di e marcha, lo sera e parti di F.D. Rooseveltweg for di e
krusada ku Jan Noorduynweg te na altura di Koranstraat pa tráfiko ku ta bini for di
aeropuerto i ku ta bai den direkshon di Sta. Maria.
E lado di e parti di kaminda ariba menshoná aki ku ta bai den direkshon di aeropuerto ta
keda liber pa tráfiko.
E medida aki ta keda na vigor te na momentu ku por garantisá libertat i seguridat di tráfiko
bèk riba e parti di kaminda aki.
Ta pidi tur usuario pa tene bon kuenta ku e medida temporal aki.