NOS SELEKSHON NASHONAL MASKULINO U-20 TA NA GUATEMALA PA PARTISIPÁ NA E CONCACAF UNDER-20 CHAMPIONSHIP!

Ayera mainta nos selekshon a biaha pa Panama di transito pa sigui rumbo pa Guatemala pa nan partisipashon na e CONCACAF U-20 Championship. Nos selekshon a yega bon i lo kontinuá ku e preparashonnan pa nos promé partido ku lo tuma lugá djabièrnè binidero den Stadion Doroteo Guamuch Flores na Guatemala pa 6’or di atardi kontra Saint Martin.

 

Despues di e partidonan di kualifikashon akí, e pais ku resultá komo number un di kada grupo ta sigui pa e siguiente buèlta di e kampionato.

Awe nos selekshon ta tin su promé seshon di training ku a kana hopi bon, nos selekshon ta determiná pa duna tur ku tin i saka nos kara. Preparashonnan ta kontinuá pa nos selekshon logra sali viktorioso di nos promé 4 partidonan p’asina sigui den kontienda pa e siguiente buèlta di e kampionato aki.

 

FFK ta deseá nos selekshon nashonal kategoria U-20 tur klase di éksito durante nan kompromisonan di e CONCACAF Under-20 Championship aya na Guatemala.

 

20 febrüari 2024