FFK KU TREMENDO PROYEKTO; ‘GIRL POWER LEAGUE 2024’ PA MUCHA MUHÉNAN DI 8 PA 12 AÑA SERA KONOSÍ MAS KU FUTBÒL!

FFK KU TREMENDO PROYEKTO; ‘GIRL POWER LEAGUE 2024’

PA MUCHA MUHÉNAN DI 8 PA 12 AÑA SERA KONOSÍ MAS KU FUTBÒL!

 

 

Ku sumo plaser Federashon Futbòl Kòrsou ta anunsiá ku nos lo inisía ku un proyekto yamá; ‘Girl Power League 2024’. Esaki ta un chèns úniko pa tur mucha muhé di 8 pa 12 aña por sera konosí mas ku futbòl i demostrá nan talento pa ku e deporte aki.

 

E ‘Girl Power League 2024’ lo inisiá dia 3 di mart i ta finalisá dia 28 di aprel 2024 i tin un durashon di 8 siman. E lo tuma lugá tur djadumingu di 8’or pa 10’or di mainta den Stadion Rignaal ‘Jean’ Francisca. Tur partisipante lo risibí entrenamentu kompletamente grátis serka e hungadónan di e selekshon nashonal di futbòl femenino di Kòrsou.

 

E ‘Girl Power League’ no ta solamente un plataforma ku ta brinda oportunidat pa un desaroyo deportivo pero tambe e ta duna chèns pa e muchanan konektá ku otronan, desaroyá ablidatnan nobo i pasa un ratu agradabel dor di praktiká e bunita deporte aki.

 

Tur mucha muhé entre 8 pa 12 aña por inskribí dor di ‘scan’ e QR- Code riba e ‘flyer’ òf via di e siguiente ‘link’; https://forms.gle/AiJPbFZxXJTcwzGRA

Pa mas informashon di ‘Girl Power League’ por tuma kontakto ku FFK via mail na; womenfootball@ffk.cw, por manda un ‘app’ na; +5999 5482310 òf yama ofisina di FFK na number di telefòn; 7365040 ekstenshon 100.

 

Tin solamente 50 lugá disponibel i e interes ta basta haltu pues hasi lihé inskribí, pa bo no keda afó. FFK ta wardabo!

 

22 febrüari 2024