Promé Minister sr. Gilmar Pisas a tene su di TRES reunion KU UNIDAT ORGANISASHON PENSHONADO BOU DI APC

Promé Minister sr. Gilmar Pisas a tene su di TRES reunion

KU UNIDAT ORGANISASHON PENSHONADO BOU DI APC

 

Willemstad – Promé Minister sr. Gilmar Pisas, huntu ku Minister di Desaroyo Sosial, Labor i Bienestar sra. Ruthmilda Larmonie-Cecilia, Minister di Maneho di Gobernashon, Planifikashon i Servisio Públiko sr. Ornelio Martina i diferente konsehero i profeshonal di kada un di nan ministerionan i e Ministerio di Finansa, a tene su di tres reunion ku Unidat Organisashon Penshonado Bou di APC dia 16 di febrüari 2024.

 

E unidat aki ta formá pa representante di e Sindikatonan di ABVO, UPAH (Union pa Adelanto i Hustisia), APT (Asosashon Penshonadonan di Telekomunikashon), APPK (Asosashon Penshonadonan Polisial Korsou) i MPK (Movementu Penshonadonan di Kodela).

 

Pa e reunion aki a keda invitá tambe representantenan di APC, Klínika Capriles, Selikor, ADC, Vidanova, C-Post i Aqualectra.

 

E tema prinsipal di e reunion tabata indeksashon di “duurtetoeslag” pa penshonadonan ku e unidat ta representá.

 

Despues di a skucha tur hende Promé Minister sr. Pisas a pidi pa kada entidat por manda su informashonnan por eskrito i tambe kopia di tur e dokumentonan ku a keda menshoná durante di e reunion, pa asina e Ministerio di Finansa por bai studia tur kos pa por determiná kiko ta e siguiente stapnan ku por dal relashoná ku e tema di e reunion.

 

Promé Minister sr. Pisas a gradisí tur ku tabata presente i a proponé pa e reunion sigui dia 23 di aprel 2024. Tur esnan ku tabata presente a bai di akuerdo ku e proposishon aki.

 

E reunion a kana den bon esfera kaminda tur esnan presente por a trese nan puntonan di bista dilanti.