KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kaso di sekuestro ku detenshon i konfiskashon di arma di kandela

 

KOMUNIKADO DI PRENSA 094/2024
25 febrüari 2024

Kaso di sekuestro ku detenshon i konfiskashon di arma di kandela

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di sekuestro ku a tuma lugá djabièrnè 23 di febrüari 2024, den kua
dos hòmber a sekuestrá un otro, polis a realisá dos detenshon.
Den oranan di djabièrnè anochi alrededor di 22.00’or, dos hòmber a fòrsa e víktima ku
tabata kana riba Kaminda Jose Anthonia, pa drenta den un vehíkulo i bai ku nan.
E duo a maltratá e víktima i kita su pertenensianan for di dje.
Dado momentu, ora ku nan tabata na un kas den Roi Santu, e víktima a mira oportunidat pa
skapa for di e malechornan.
El a keda skondí den un mondi durante di oranan di anochi i djasabra mainta el a yega na un
kas den Kaya Lèptòp pa pidi asistensia.
Polis a yega na e adrès i tuma e víktima pa kontinuá ku e investigashon.
Den oranan di mèrdia di djasabra 24 di febrüari 2024, personal di e Divishon di Krímen
Organisá huntu ku unidatnan di warda di polis Montaña a tene entrada hudisial na dos
adrès, kuanan ta Kaya Navigator i Kaya Gramofon.
Na e promé adrès a detené alrededor di 14.05’or e hòmber M.I.S. di 27 aña nasé na Kòrsou
pa entre otro violashon di lei di arma di kadela i sekuestro, mientras ku algun ratu despues,
a detené e hòmber R.J.P. di 57 aña di edat nasé na Kòrsou pa entre otro sekuestro.
Na un di e adrèsnan aki, polis a konfiská un pistol kargá.
A presentá tur dos sopechoso dilanti di un fiskal ouksiliar ku a ordená nan enkarselamentu
pendiente di mas investigashon.

639114718427035"
639114718427035"