Detenshon relashoná ku kiebro den kas 

KUERPO POLISIAL KÒRSOU 

 

KOMUNIKADO DI PRENSA

364/2026

22 òktober 2026 

Detenshon relashoná ku kiebro den kas 

Djárason 21 di òktober 2026 alrededor di 23.37’or, Sentral di Polis a risibí  informashon ku tabatin un kiebro ta tumando lugá na un kas den Kaya  Frank de Castro. 

Suidadanonan a konta polis ku na momentu ku e sospechoso a drenta den  e promé kas nan a grit’é i el a hui bai i a trata na drenta den un di dos kas. Na e di dos kas polis a topa ku e hòmber sospechoso A.R.G.U. di 33 aña  di edat nasé na Kòrsou. 

El a keda detené relashoná ku e kaso ariba menshoná. 

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.