KOMUNIKADO DI PRENSA 106/2024
29 febrüari 2024

Alerta pa flinan den área di aeropuerto ku ta forma peliger.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Ku sierto regularidat Sentral di Polis ta risibiendo último dianan notifikashon di flinan ku ta
wòrdu subi na alturanan eksageradamente haltu den área di aeropuerto.
E situashon aki ta unu ku kada aña di nobo polis ta hala atenshon di siudadanonan i
partikularmente hóbennan riba dje, pero e ta keda tuma lugá.
Subimentu di fli den área di aeropuerto ta sòru pa difikultat i por peligrá trafikashon aéreo
na momentu ku un avion ta aserkando pista di aterisahe òf nèt na momentu ku un
aeroplano a kaba di lanta buelo.
Un bia mas polis ke alerta ku konforme artíkulo 41 insiso 2 bou di a di e ordenansa ku ta
regla òrdu públiko (L.O.O.), no ta permití pa subi fli riba un distansia di ménos ku 3
kilometer for di e waya di tereno di aeropuerto.
Tampoko segun e lei aki, bou di respektivamente c i d di e mesun artíkulo 41 insiso 2, ta
permití pa subi òf tin un fli den laira durante di bahada i subida di solo i di kua e liña ku ta fir
e fli kuné, ta mas largu ku 100 meter.