Kòrsou a reuní ku partnernan di negoshi na Alemania
….durante ITB Berlin 2024
WILLEMSTAD – 19 di mart 2024 – Resientemente un tim di Kòrsou konsistiendo di representantenan di Ofisina di Turismo di Kòrsou (CTB), Curaçao Airport Partners (CAP) i diferente partner di sektor privá a partisipá na ‘Internationale Tourismus-Börse’ (ITB) na Alemania. Ta trata di e feria turístiko internashonal di mas grandi dirigí riba negoshi. E aña aki, ITB a konta ku un kantidat di 5500 ekspositor representando 170 pais i a atraé mas di 100 mil bishitante. Meta prinsipal di Kòrsou su partisipashon tabata pa estrechá lasonan komersial ku partnernan na Alemania. Durante e feria di 3 dia, e tim di Kòrsou a reuní ku entre otro operadornan di tour, agensianan di biahe ku ta aktivo online, aerolíneanan i prensa dirigí riba komersio.
Meta prinsipal di e kombersashonnan sostené tabata pa di un forma stratégiko elaborá riba akshonnan kolaborativo pa oumentá e kantidat di bishitantenan for di Alemania pa Kòrsou. Diferente di e operadornan di tour a indiká di bai ekspandé nan portafolio di Kòrsou ku mas di nos akomodashonnan i atrakshonnan turístiko miéntras otronan a indiká di lo bai inkluí Kòrsou komo un destinashon nobo den nan portafolio. Durante ITB 2024, CTB a hasi uso tambe di e oportunidat pa introdusí na partnernan di komersio na Alemania e manager nobo pa region di Europa, sra. Susan Vrolijk. Ademas, e tim a ekstendé un invitashon na partnernan na Alemania pa bin partisipá na e Global Trade Symposium di e aña aki i eksperensiá e produkto ku Kòrsou ta ofresé di aserka.
Un danki ta bai na e partnernan di sektor privá ku a forma parti di e tim di Kòrsou durante ITB 2024; Coral Estate Luxury Resort, Curaçao Marriott Beach Resort, LionsDive Beach Resort Curaçao, Renaissance Wind Creek Curaçao Resort, Sandals Royal Curaçao, FBTT, Morena Eco Resort, Acoya Curaçao Resort, Villas & Spa, Mangrove Beach Corendon Curaçao All-Inclusive Resort, Curio by Hilton i Blue Bay Curaçao Golf & Beach Resort. Alemania ta keda un merkado importante pa Kòrsou p’esei partisipashon na tipo di ferianan manera ITB ta sumamente importante pa huntu ku partnernan komersial manera entre otro operadornan di tour i aerolíneanan interkambiá riba e posibilidatnan pa atraé mas bishitante pa nos destinashon.
————————
….during ITB Berlin 2024
Curaçao engages with business partners in Germany
WILLEMSTAD – March 19, 2024 – Recently, a team from Curaçao consisting of representatives from the Curaçao Tourist Board (CTB), Curaçao Airport Partners (CAP), and several private sector partners participated in the ‘Internationale Tourismus-Börse’ (ITB) in Germany, the world’s leading travel trade show. This year, ITB featured 5500 exhibitors representing 170 countries and attracted over 100,000 visitors. Curaçao’s primary objective in participating was to strengthen commercial ties with business partners in Germany. Throughout the 3-day fair, the Curaçao team engaged with tour operators, online travel agencies (OTA’s), airlines, and the trade press.
The main goal of the conversations held was to strategize on collaborative efforts to increase visitor numbers from Germany to Curaçao. Several tour operators indicated they would expand their Curaçao portfolio with more of our accommodations and tourist attractions, while others indicated their interest in adding Curaçao to their portfolio as a new destination. At ITB 2024, CTB took the opportunity to introduce Ms. Susan Vrolijk, the new manager for the European region, to German trade partners. In addition, the team extended an invitation to trade partners to join this year’s Global Trade Symposium, offering them the chance to come and experience firsthand the tourism product of Curaçao.
CTB extends its gratitude to the private sector partners who were part of the Curaçao team during ITB 2024; Coral Estate Luxury Resort, Curaçao Marriott Beach Resort, LionsDive Beach Resort Curaçao, Renaissance Wind Creek Curaçao Resort, Sandals Royal Curaçao, FBTT, Morena Eco Resort, Acoya Curaçao Resort, Villas & Spa, Mangrove Beach Corendon Curaçao All-Inclusive Resort, Curio by Hilton, and Blue Bay Curaçao Golf & Beach Resort. Germany remains an important market for Curaçao, underscoring the importance of engaging in events like ITB to collaborate with partners such as tour operators and airlines in exploring opportunities to attract more visitors to our destination.
