Direktor di MCB Chicu Capriles a anunsiá su retiro komo CEO di MCB Group

 

 

Direktor di MCB Chicu Capriles a anunsiá su retiro komo CEO di MCB Group

 

Announcement
Apresiabel kolega i amigu,

Pa medio di e mail aki mi ta informá bo di mi desishon, después di kasi dos dékada komo Presidente i CEO, di bai retirá di nos Banko úniko i spesial. Mi a notifiká nos Hunta di Komisario di mi desishon i nan a inisiá e proseso pa buska un Presidente i CEO nobo pa MCB.

E desishon aki no tabata unu fásil. Ta un berdadero honor pa liderá nos Grupo MCB, pa traha ku koleganan ekstraordinario manera abo, i humilde di ta den un posishon pa hasi kontribushonnan asina importante na e komunidatnan ku nos tin plaser di sirbi i yama kas.

Después di kasi 33 aña di servisio na nos Banko, sínembargo, ta tempu pa mi pasa e batuta pa un lider nobo.

Nos Banko ta fuerte, resiliente i den masha bon estado finansiero, i nos kompromiso i pashon pa sirbi nos klientenan ta firme. Komo é banko di Karibe Hulandes, MCB ta orguyoso di ta aktivo den e ekonomianan i komunidatnan lokal den kua nos ta operá.

Nos a sa di mantené nos kompromiso ku e balornan di famia ku ta sinónimo na nos Banko for di día ku mi bisabuelo Shon Jojo Alvarez Correa a funda e Banko na 1916.

Dor di anunsiá e desishon aki delantá, nos Hunta di Komisario tin sufisiente tempu pa buska un susesor adekuá. E Hunta a inisiá un proseso diligente i bon planiá pa identifiká un susesor, di kua por spera un anunsio den e próksimo 12 lunanan.

Ta buska un kandidato ku ta komprondé e balornan di e famia di MCB, ku ta komprometé ku nos islanan Karibe Hulandes i ku ta kapasitá pa liderá nos Banko den futuro.

Ta nos prioridat firme pa sigurá un transishon suave ku ta mantené e tradishon di ekselensia i servisio di nos Banko.

Pues, esaki no ta tempu pa yama ayó. Defakto, nos tin hopi trabou ta warda nos i ta ‘business as usual’. Huntu ku’bo, ta mi intenshon pa sigui duna tur mi energia i dedikashon na nos Banko stimá.

Un saludo kordial i personal,
Chicu

________________________________________

Dear colleague and friend,

I would like to inform you of my decision to step down within the foreseeable future after almost two decades as President and CEO of our great Bank. I have informed our Supervisory Board and they have now started the search for a successor to lead MCB into the next phase.

I did not take this decision lightly. It is an absolute honor to lead MCB Group, to work with such outstanding colleagues like yourself, and humbled to be in a position to make such meaningful contributions to the communities we have the pleasure to call home and serve.

After almost 33 years of service to the Bank, however, the time has come for me to hand over MCB to new leadership.

Our Bank is strong, resilient and in good shape, and our commitment and passion for serving our clients is unwavering. As the leading bank in the Dutch Caribbean, MCB is proud to be active in the local economies and communities in which it operates.

We have remained committed to upholding the family values that have been synonymous with the Bank since my great grandfather Shon Jojo Alvarez Correa founded our Bank back in 1916.

By making an early announcement, the Supervisory Board will have sufficient time to search for a worthy successor. The Board has initiated a thorough and well-planned succession process with an announcement expected in the next twelve months.

A candidate is sought who embodies MCB’s family values, is committed to these Dutch Caribbean islands, and has the skills to lead the Bank into the future.

It is our utmost priority to ensure a seamless transition that maintains the Bank’s longstanding tradition of excellence and service.

So this is not the time to say goodbye. For now, it is business as usual in fact. Together with you, I will continue to devote all my energy and commitment to our beloved Bank.

Warm personal regards,
Chicu