64 partisipante mas a terminá Programa di Training pa Industria di Hospitalidat E programa ta den su rekta final
64 partisipante mas a terminá
Programa di Training pa Industria di Hospitalidat
E programa ta den su rekta final
WILLEMSTAD – 22 di mart 2024 – Resientemente un total di 64 kursista a risibí nan sertifikado komo parti di e programa di training Her & Bijscholingstraject Hospitality Sector. E kursistanan a sigui un kurso kòrtiku intensivo (crash course) den kua nan a haña konosementu básiko teorétiko i tambe práktika pa por drenta e industria di hospitalidat. Ta trata di 20 guia turístiko, 20 artesano, 14 asistente di kòki, 3 weiter i 7 persona ku a terminá e kurso di Housekeeping. Durante un seremonia ameno, Minister di Desaroyo Ekonómiko, sr. Ruisandro Cijntje i Counterpart Director di Ofisina di Turismo di Kòrsou, sr. Muryad de Bruin, a hasi entrega di sertifikado na e partisipantenan.
E kurso di guia turístiko a enserá 3 luna di entrenamentu intensivo di teoria i abilidatnan práktiko pa bira un guia turístiko sertifiká. E sertifikado ta rekonosé pa Federashon Mundial di Asosashon di Guia Turístiko (WFTGA). Mayoria di e partisipantenan ya ta trahando den e industria dunando guia na turistanan. E kurso di artesania a keda organisá pa promé biaha. Durante 5 siman e partisipantenan a siña diseñá i krea nan propio artesania ku produktonan natural i lokal. Ademas e kursistanan a risibí un kurso di Empresa Chikí ofresé pa MEO pa haña informashon kon pa bira un empresario den nan área di trabou. Nan entrenamentu a keda klousurá ku partisipashon na e Feria di Arte durante Punda Vibes. E kursonan di asistente di kòki i weiter tabatin un durashon di 6 siman. E gruponan aki a kompletá tambe e Personal Empowerment training, dirigí riba desaroyo di nan abilidatnan interpersonal. Por último, e kurso di Housekeeping a trata entre otro, kon pa ehersé e trabou di un manera sigur, higiena personal, limpiesa general, drecha kama, materialnan, hèrmènt i komunikashon. Despues di a kompletá e diferente kursonan, e partisipantenan ta trahando na un leerbedrijf den industria di hospitalidat pa un periodo di 5 luna i ta risibí un salario. Despues di e 5 lunanan, e kompania tin e posibilidat pa ofresé e partisipante un kontrato di trabou basá riba su prestashon.
E programa di training ta resortá bou di Ministerio di Desaroyo Ekonómiko (MEO) i Ofisina di Turismo di Kòrsou (CTB) ta responsabel pa e implementashon. E programa ta keda ehekutá den estrecho kolaborashon ku Ministerio di Labor (SOAW), Ministerio di Enseñansa (OWCS) i partnernan den sektor privá. Mas di 30 kompania ta kontribuyendo na e proyekto komo leerbedrijf brindando e partisipantenan un oportunidat pa por praktiká i alabes haña un trabou den industria di hospitalidat. E programa di training ta den su rekta final. Pa registrá bai riba www.curacaotouristboard.com/education/
CTB, MEO, SOAW i OWCS ta felisitá e kursistanan i ta deseá nan tur klase di éksito den e industria di hospitalidat.
Another 64 participants completed the
Training Program for the Hospitality Industry
The program is in its final stage
WILLEMSTAD – March 22, 2024 – Recently, a total of 64 course participants received their certificates as part of the Training Program for the Hospitality Sector. They completed an intensive crash course in which they gained basic theoretical and practical knowledge to enter the hospitality industry. There were 20 tourist guides, 20 artisans, 14 assistant cooks, 3 waiters, and 7 individuals who completed the Housekeeping course. During a pleasant ceremony, the Minister of Economic Development, Mr. Ruisandro Cijntje and the Counterpart Director of the Curaçao Tourist Board, Mr. Muryad de Bruin, presented the certificates to the participants.
The tourist guide course involved 3 months of intensive training in theory and practical skills in order to become a certified tourist guide. The certificate which the participants received is recognized by the World Federation of Tourist Guide Associations (WFTGA). Most of the participants are already working in the industry and guiding tourists. The artisan course was organized for the first time. During 5 weeks, the participants learned to design and create their own crafts using natural and local products. In addition, they took a Small Business course offered by MEO to learn how to become an entrepreneur in their field of work. Their training concluded with their participation in the Art Fair during Punda Vibes. The assistant cooks and waiter courses lasted for 6 weeks. These groups also completed the Personal Empowerment training, focused on developing their interpersonal skills. Lastly, the Housekeeping course covered topics such as how to perform the job safely, personal hygiene, general cleaning, bed-making, materials, tools, and communication. After completing the various courses, the participants are now working at a learning company in the hospitality industry for a period of 5 months, while receiving a salary. After the 5 months, the company can offer the participants a job contract based on their performance.
The training program is managed by the Ministry of Economic Development (MEO), and the Curaçao Tourist Board (CTB) is responsible for the implementation of the program. The program is executed in close collaboration with the Ministry of Labor (SOAW), the Ministry of Education (OWCS), and private sector partners. Over 30 companies are contributing to the project as learning companies, thereby providing participants with an opportunity to find employment in the hospitality industry. The program is in its final stage; to register, visit www.curacaotouristboard.com/education/
CTB, MEO, SOAW, and OWCS congratulate the course participants and wish them much success in their careers in the hospitality industry.







