DOMEINBEHEER TA HABRI PA PÚBLIKO RIBA 27 DI MART NA SCHARLOOWEG 33

Willemstad – Domeinbeheer ta habri su portanan bèk pa públiko riba djarason 27 di mart próksimo na su lokalidat nobo na Scharlooweg 33. Esaki despues di e proseso di mudansa for di WTC.

Riba e dia aki, Domeinbeheer lo por kuminsá risibí pòst tambe.

Meta di e mudansa ta pa empleadonan por tin un ambiente di trabou mas sano, i pa por brinda miho servisio na komunidat.

E lokashon nobo aki den Skalo tambe ta aun mas aksesibel pa nos komunidat.

Domeinbeheer ta gradisí komunidat pa e pasenshi demonstrá. Komunidat por:

– Traha sita via di sita.gobiernu.cw

– Yama na number di telefon 0800-1919 (entrante 2 di aprel esaki ta posibel)

– Manda un email na info.domeinbeheer@gobiernu.cw

– Bishitá e website http://www.domeinbeheer.cw pa informashon general