Ministerio di Hustisia ta duna kapasitashon na aspirante pa bira bombero

Willemstad – Djaweps 11 di aprel 2024 un total di 28 personal di kuerpo di bombero a sigui e kapasitashon di kódigo di komportashon. 25 di nan ta e aspirante pa bira bombero ku a kuminsá na luna di yanüari 2024, komandante di bombero, i otro 2 empleado ku tambe a sigui e kapasitashon. E kapasitashon tabata fasilitá pa Jeanomar Elizabeth di Ministerio di Hustisia i Marilyn Isaac e.v. La Cruz di Ministerio di Finansa.
Durante e kapasitashon e partisipantenan a siña kiko ta nan derechonan, pero tambe e debernan ku kada un di nan mester kumpli kuné na nan boka di trabou. Tambe nan a siña traha ku e kódigo di komportashon pa analisá kasonan ku lo por presentá den nan funshon den kuerpo.
Ministerio di Hustisia ta deseá kada un di e aspirantenan pa bira bombero, a la bes e otro koleganan, éksito i sabiduria pa ehersé nan funshon.