KOMUNIKADO DI PRENSA 197/2024
22 aprel 2024

Kaso di hinkamentu

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 21 di aprel 2024 alrededor di 16.24’or, Sentral di Polis a dirigí un unidat pa Baai
Macolaweg pa un kaso di hinkamentu.
Na yegada di e unidat el a topa un hòmber ku un hinká na altura di su pechu.
For di investigashon a sali na kla ku despues di un diskushon ku e víktima tabatin ku un otro
hòmber, e último aki a propin’é un hinká ku un skrufdrai.
Ambulans a transportá e víktima pa Sala di Emergensia di C.M.C. pa tratamentu médiko.
Na e sitio polis a detené e hòmber B.C.G. di 50 aña di edat nasé na Repúblika Dominicana.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.