Rutvièna Rosalina, Ayannah Meyer i QMQ Organization a biaha pa representá Kòrsou na Republica Dominicana, Punta Cana
Rutvièna Rosalina, Ayannah Meyer i QMQ Organization a biaha pa representá Kòrsou na Republica Dominicana, Punta Cana
Willemstad- QMQ Organization den su kompromiso pa informá Kòrsou i siguido nan di beyesa ta anunsiá ku su dos último representante nan international pa e temporada aki, den pèrsona di Rutvièna Rosina i Ayannah Meyer a biaha, i entretantu a yega Republica Dominica bon. Na nan yegada nan a keda risibí dor di un guia spesial ku a pèrkura pa e beyesa nan huntu ku nan mayornan, estillista i miembro nan di organisahon QMQ por a yega e sitio ofisial kaminda e magno evento lo tuma lugá ku ta Punta Cana. E sertamen hubenil mas grandi ku ya 13 aña di trayektoria international, ta mustra di bira interesante un biaha mas. Despues ku Kòrsou tin dos aňa sin representante den e sertamen grandi aki, porfin a yega ora pa nos beyesanan grita nòmber di Kòrsou un biaha mas via e plataforma di Miss Pre Teen Universe i Miss Teen Petite Universe.
Nos beyesa nan a biaha djasabra 20 di apel den ora nan di atardi. Organisashon QMQ bou di guia di Ayanette Statia a opta e bes aki pa biaha 2 dia promé ku e evento ofisial, esaki ta pa evitá ku e beyesa nan ta yega nèt dia di instalshon ofishial i tin mas chèns pa prepará i enfoká. E sertamen ta unu fuerte i ta konta ku mas ku 15 partisipante den kada kategoria, ku durante un siman lo kompetí den diferente area.
Ta bon pa informá Kòrsou, ku nos beyesa nan a biaha kada un ku 3 maleta bon yená i ta bon prepará pa duna un bon presentashon durante e siman i durante kada komprtensia.
Djaluna, 22 di aprel, kada beyesa mester a presentá pa 15.00 na resepshon di e hotèl ofisial di nan sertamen, pa por registrá i tuma nan yabi nan di kamber. Aparte di esaki nan lo risibí nan material pa ku e dia di instalashon i tambe e skema ofisial di hinter e siman. Ya kaba por a tuma nota ku tin aktividatnan importante prepare pa ku e siman, kaminda nos representantenan mester tin vestuarionan spesial. Lo tin un sena di bonbini, un show di trahe nashonal, kompetensia pre eliminar, kòmbersashon ku hurado i e gran final ku lo tuma luga djasabra 28 aprel 2024.
Nos di QMQ Organization, lo sigui informá boso tur loke ta pasando ku nos beyesa nan na Punta Cana, i alabes nos komo organishon ta gradisí kada un di boso pa boso aporte, sosten i motivashon pa ku e trabou nan hasí na Kòrsou i trabou nan ku lo hasi Internashonal.
Kòrda sigui nos pagina nan ofisial ku ta: QMQ Organization na Instagram i QMQ Organization na Facebook, pa tur informashon di nos representante nan den sertamennan Miss Pre Teen Universe i Miss Teen Petite Universe 2024.
