FASE B DI ‘OPFRISCURSUS BAVPOL’ PA PTH VVRP

Willemstad – Resientemente, miembronan di Projectteam Toezicht en Handhaving (PTH) di Ministerio di Tráfiko, Transporte i Planifikashon Urbano (VVRP) i algun personal adishonal di VVRP, a kontinuá ku fase 2 di e kurso titulá ‘Opfriscursus BAVPOL’.

E kurso aki tin komo meta pa refreská konosementu di e miembronan di PTH ku ya den pasado a hasi e kurso pa bira Buitengewoon Agent van Politie (BAVPOL), i pa duna oportunidat na miembronan nobo pa bira BAVPOL. E di dos fase aki di e kurso lo tin un durashon di 8 siman.

E kurso aki ta den kuadro di fortifikashon di PTH pa e por ehersé su trabou di kòntròl i supervishon riba loke ta okupashon ilegal di terenonan di gobièrnu, konstrukshon ilegal, i dùmpmentu di sushi ilegal riba tereno di gobièrnu, aun mas miho.

PTH a bin ta aktua kaba kontra diferente trabounan den konstrukshon den diferente area ront Korsou i lo sigui hasi esaki. Pa por tuma kontakto ku PTH i/òf raportá un posibel kaso di konstrukshon ilegal òf okupashon ilegal di tereno, por yama na 465-1477.