E merikano Ann Marie Jarvis despues di morto di su mama a ofisialisa esaki

 

 

 

Kolaborado Trabou Pa Kòrsou TPK, Abïgail Mahalja Boelijn

Djis ta dia di mama kiko ta propósito di dia di Mama

 E merikano Ann Marie Jarvis despues di morto di su mama a ofisialisa esaki

Gobièrno aktual  modernisa kon pa elogia mama nan hasiendo bon trabòu

 

 

 

Trabou pa Kòrsou ta haña e konsepto i formashon di “Famia” algu hopi importante den nos komunidad, pesei kolaborador i sekretaria Abigaïl Mahalja Boelijn, ta di opinión ku Minister di SOAW, i su eksperto nan den e ministerio mester yuda desaroya famia nan pa asina mama i tata nan por tin trabòu ku un entrada indeksa, ekivalente ku ekonomia mundial pa asina por tin espasio pa  pasa ora ku nan famia sano ku tur asuntu nan familiar den balansa, i den e parti sosial mester krea oportunidat pa formashon familiar tambe. No ta idealisa e bida, hinka kabes den santu, paso tin mama nan soltera tambe. Mester krea e trabounan nobo, tur mama ke traha pa kria nan yu, sea e tata tei of no. Nos mama nan ta lucha i traha hopi duru pa kria nan yiunan ku ta nos futuronan.  Mi no ta bisa pa ban defende nos mama nan pa nan sigui traha yu bai gol ku kada un tata ku pasa i priminti shelu o tera. No. No tesei mi ta bisando. Pero krea grupo pa e mama nan aki sostene otro. Kambia forma nan nobo di trabòu, implementa algu más ku simplemente komberti tur proseso eksistente den digitalisashon. IA ta un asistente personal. E kambio nan aki no sólamente ta rekeri ahusto tékniko so, sino tambe un mentalidad diferente bòu di nos hende muhe nan. SOAW mester ta dispuesto pa bin ku trabòu nan  ku asistensia di IA ku lo ta un miembro balioso den e ekipo laboral. Ministerio di SOAW masha dia den e 3 aña nan aki mester a sòru pa na tur ofisina di “ban bario bèk” tin un  ofisina kaminda un mama den su desesperashon e por sikiera haña un hende pa e sinta desoga su dolor i haña guia.

Pueblo bo sa kuantu mama ta pasa den maltrato mental i ta keda ku trouma emoshonal i pasa e trouma pa nan yiu nan djis paso nan no tin un kaminda pa desoga i risibi yudansa di bèrdad. Sin ku su redu ta bèk den kaya i sin yudansa?

Por yama e departamento aki: “Di un man pa un otro mama”. A krea un situashon sosial kaminda prijs di kuminda ta keda subi, no ta hasi algu na inflashon, salarionan ta keda meskos. E situashon ta pone hopi hende ta keda asepta kosnan ku normalmente nan lo no asepta na boka di trabòu of serka otro hende. Por ehenpel akoso seksual.  Ora inflashon ta asota bo pais, rònt mundu ta gobièrnu ta sali i fangu esaki, pa su pueblo por sigui biba i mantene e standarte di bida sosial i ekonomiko. Asina ta evita subida di kriminalidat tambe. Ta na Kòrsou so gobièrnu ta broma ku ela kobra boshi plaka di impuesto pero  no ta fangu e parti di inflashon. Anto e mama nan soltero nan ta haña nan ku lomba kant’i muraya paso nan tin un yiu di kria i tin bia nan so.

 

Gobièrnu nan di turno mester a traha riba edukashon fo’i siglonan pasa. Niun no a hasie, pesei awoki Minister di SOAW mester traha riba e trayekto di konsientisa i mester atende loke Kòrsou a kosecha debi na negligensia di gobièrnu nan antikua a keda sin atende. Ta hende muhé mi tambe ta. No kere ku ta tur nos mama nan a hasi onenight stand i hana yu.

No lubida ku tin sierto homber nan ta priminti shelu i tera hombernan kaba na fibal ALGUN no ta kumpli. Tin bia e relashon/ matrimonio ta bai malu. Ku ta buta ku tin mama nan ku ta soltera, pero nan tabata kasa un ten. Pues laga nos no husga. Tampoko laga nos no kore pa responsabilidat. Mester  atende e situashon aki pa nos mama nan. Semper ora di pueblo su bürt, pueblo mester warda