DELEGASHON DI KÒRSOU TA SALI PA TAILANDIA PA PARTISIPÁ NA DI 74 KONGRESO ANUAL DI FIFA!

 

DELEGASHON DI KÒRSOU TA SALI PA TAILANDIA PA PARTISIPÁ NA DI 74 KONGRESO ANUAL DI FIFA!

 

 

Direktiva di FFK ta informá ku FIFA ta bai tin e di 74 kongreso anual ku e aña aki ta tuma lugá na Tailandia. E kongreso ta tuma lugá di 15 mei pa 17 mei 2024 i e puntonan prinsipal ku lo bai trata ta raportahe anual 2023, vota riba e ‘host’ pa FIFA Women’s World Cup 2027, vota riba propuestanan di kambio di e Statutonan di FIFA, e reglamento ku ta regulá e aplikashon di e statutonan i e reglamento di e kongreso.

 

E kongreso aki ta pa presidente, vise presidente i e sekretario general di e paisnan afiliá pero presidente Ramiro Griffith a skohe pa no bai e Kongreso di FIFA tumando na kuenta e situashon aktual ku nos organisashon ta pasando aden. E la skohe pa yega na trankilidat i pa perkurá ku kampionatonan por sigui tuma lugá sin problema, voral esun hubenil.

Nos delegashon ta keda e ora ei enkabesá pa vise presidente Shareti Bryan, sekretario general interino di FFK Kimberly Gario i miembro di direktiva sr. Hubert Isenia.

Na regreso di e delegashon nos lo duna mas informashon di e resultadonan di e kongreso anual di FIFA.

Nos presidente ta deseá e delegashon di Kòrsou tur klase di éksito!

13 mei 2024