Industrialisá agrikultura, krio bestia i peska, tambe ta pilá ekonomiko nobo Rennox Calmes

Parlamentario Rennox Calmes

 

Kalidat i garantisa kuminda pa pueblo a bira emergensia

Industrialisá agrikultura, krio bestia i peska, tambe ta pilá ekonomiko nobo.

Pa medio di koperativa nos ta logra hopi. Rònt mundu e a duna resultado.

 

 

Lider polítiko di Partido Trabou pa Kòrsou, Sr. Rennox Calmes: ta basta ratu TPK a bin ta drumi wak e sektor aki. Paso ta nan mes por ke ku nan ta wordu trata malu asina. Foi elekshon 2012, 2016, 2017 i 2021 , Calmes a keda konsistente mandando un mensahe pa e sektor aki. Pero e sektor mes gusta pa wòrdu gañá dor di politikonan ku ta pone e sektor keda kore nan tras estilo di lembe lansa.  Calmes ta konbensi ku tin bia bo mester laga hende pasa den nan kos pa nan wowo por habri. Calmes ta spera ki awor si nan wowo a habri i ku no a keda e sektor aki niun opshon mas, pero ta di asepta ku ta Trabou pa Kòrsou mes lo bai yudanan krese  bira industria.  Krese krea hopi kupo di trabou, produsi kuminda di kalida pa Kòrsou i hasi hopi famia kontentu i duna nan un bida eleva. E meta final ta pa Kòrsou tambe kuminsa eksporta.

 

Kòrsou mester kuminsa planta i kria bestia pa kome di forma planifiká.  Mester definí kiko ta e fruta i berdura nan ku ta bai planta i kua ta e bestianan ku ta bai kria pa kome. Planigikashon ta importante, pa nos sa kiko ta keda Kòrsou i kiko nos ta produsi pa eksporta.

TPK enfatisa mu mester hasi uzo di sistemanan moderno pa planta manera ‘aquaponics’ i plantashom vertikal.

 

Awa no mester ta un problema, paso meskos ku Aqualectra a introdusi un sistema nobo pa awa pa algun hotèl, meskos e por hasie pa agrikultornan tambe, kaminda e awa su kalidat tin e miho HP pa uza pa bestia i plantashon. Tambe mester drecha damnan i konekta tur na otro di manera ku ta mantene nos tera mas friu.

 

Kooperativa i banko agrario

Por logra muchu mas pa medio di e modelo kooperativa i un banko agrario. Kooperativa na un modelo ku a funshoná rònt mundu. Pues nos no mester inventá nada di nobo. Gobièrnu tin e deber di invertí den e pilá ekonómiko aki huntu ku sektor privá. Ku un banko agrario di gobièrnu tur ku ke drenta e industria aki por bini na remarke pa risibí fiansa na porsentahe hopi abou. Tene na kuenta ku nos ta papiando di industria, pues magnitut grandi kreando kuponan di trabou, produkshon na kantidat grandi pa suministrá poblashon di Kòrsou i den futuro eksportá.

 

Siguridat i kalidat di kuminda

Mester kuminsa garantisá siguridat i kalidat di kuminda. Skarsedat di kuminda ta afektando mundu i mester aktua promé ku bira mas lat. Banda di esaki debí ku tin skarsedat di kuminda na mundu, e kalidat di kumindanan ku ta wòrdu importá tambe a kuminsa baha. Esaki tardi òf trempan ta bai tin efekto negativo riba bida i salú do hende i despues riba nos fondo di SVB.

 

Mensahe pa kapitalistanan

Otro problema ta e sektor di kapitalista ku a bini ta bringa e sistema di kooperativa paso gobièrnunan di turno no a sa di mustra ku tin espasio pa tur hende traha sèn i drecha nan bida den e sektor aki. Debí ku gobièrnunan tradishonal semper a mantené e situashon unu kaminda nos mester keda importá i no a krese produkshon lokal, esaki a buta ku e kapitalista pa protehá su mes semper a bringa kontra kualkier otro kos ku nan ta konsiderá komo mensasa. Den e mundu di awendia nos mester kambia e mentalidat aki. Nos mester pensa kon huntu nos tur por krese mas. Pues e klase mas abou ta krese, e klase medio tambe ta krese mas i e kapitalista tambe ta krese mas. TPK tin un mensahe pa e sektor kapitalista. E mensahe ta ku TPK ta goberná pa tur gremio bai dilanti. Esei kiermen bosnan tambe. Si nos krese e industria aki, tur klase lo krese.

 

Efekto positivo di e modelo orgániko

Ta momentu pa transformashon. Ta momentu pa wak e kosnan for di un otro punto di bista. Un transformashon di e forma aki lo sòru pa kuponan di trabou direkto, forsa di kumpra ta subi, mas entrada den kaha di gobièrnu, pues ekonomia ta drecha, produktonan lokal ta mas barata dimes, kalidat di kuminda garantisá. Tur gremio su bida ta elevá.

 

 

 

Trabòu Pa Korsou TPK,

sr. Rennox Calmes