Pronóstiko di tempu pa Kòrsou i bisindario bálido te djaluna mainta 6:00 o.l., 27 di mei 2024.
Pronóstiko
Pronóstiko di tempu pa Kòrsou i bisindario bálido te djaluna mainta 6:00 o.l., 27 di mei 2024.
Kompilá: djadumingu 26 di mei 2024, 05:00 o.l. (09:000 UTC).
Tempu: Parsialmente te hopi nublá i prinsipalmente awe nochi pa mayan ku posibilidat pa awa kai lokalmente.
Temperatura máksimo lo alkansá 32ºC i temperatura mínimo 28ºC.
Solo ta sali 06:10 i ta baha 18:56 o.l.
Bientu: Generalmente ost i moderá; forsa 3 te 4 (12 te 30 km/ora, 7 te 16 nudo). Ráfaga de bes en kuando basta fuerte i den áwaseru te posiblemente fuerte; forsa 5 te 6 (31 te 50 km/ora, 17 te 27 nudo).
Situashon general: Durante e parti final di wikènt shelu lo bira gradualmente basta nublá na momento ku un ambiente atmosfériko levemente instabil asosiá ku un ola tropikal ta influensiá e tempu den nos region. Esaki lo kondusí na chènsnan mas haltu pa áwaseru drentando un siman nobo. Miéntras e siman ta avansá, poko poko un preshon haltu lo rekobrá su dominio i asina limitá e posibilidat pa awa kai den e área.
Kondishon di laman: Trankil te moderá ku altura di olanan entre 0.5 i 1.5 meter (2 i 5 pia).
Fenómeno spesial: Ningun.
Perspektiva te djamars mainta: Redukshon gradual di chèns nan pa awa kai. Bientu lo bira mas fuerte i santu fini di Sahara ta bira visibel durante e siguiente dianan.
Meteorólogo: Coffie