CBS ta presentá e Promé Resultadonan di Senso 2023

 

CBS ta presentá e Promé Resultadonan di Senso 2023

Poblashon di Kòrsou ta konsistí di 155.826 persona

 

Willemstad: Di 2 di sèptèmber pa 20 di òktober 2023, Ofisina Sentral di Statistik (CBS) a realisá un Senso na Kòrsou. A alargá e periodo ofisial di e Senso te fin di febrüari 2024. Unabes ku e periodo ei tabata tras di lomba, CBS a kuminsá traha intensivamente pa prosesá e datonan di Senso. Awe, CBS ta presentá e Promé Resultadonan di Senso 2023, ku statistik tokante situashon sosioekonómiko na Kòrsou.

 

Riba CBS su wèpsait di Senso, https://senso.cbs.cw/ por haña un dokumento mas amplio ku e promé resultadonan di Senso 2023 i por download esaki grátis.

 

Aki ta sigui algun di e resultadonan importante di Senso 2023:

 

Poblashon

Segun Senso 2023, Kòrsou tin 155.826 habitante: 70.162 hende hòmber i 85.596 hende muhé. Sekso di 68 persona no ta konosí. Kompará ku e Senso di 2011, por mira un oumento di 5.263 persona. Di 2011 pa 2023, poblashon a krese ku 3,5 porshento.

 

Proporshon di hòmber i muhé

Pa loke ta trata e proporshon di hende hòmber i hende muhé, segun e resultadonan di Senso 2023, na Kòrsou tin 82 habitante hende hòmber pa kada 100 hende muhé. Diesdos aña pasá, na 2011, tabata 84,3 hende hòmber pa kada 100 hende muhé. E kantidat di hende hòmber na komparashon ku hende muhé ta bahando; òf, por bisa tambe: kada bes tin mas tantu hende muhé na komparashon ku e kantidat di hende hòmber.

 

 

Distribushon di edat

Poblashon di Kòrsou ta embehesiendo. Na 2023, 24,7 porshento di poblashon ta kai den e kategoria di 65 aña òf mas. Na 2011, e grupo ei tabata apénas 13,8 porshento. Na mes momento, e porsentahe di mucha (0-14 aña) tambe ta birando ménos: di 19,5 porshento na 2011 pa 14,1 porshento na 2023.

 

Lugá di nasementu i nashonalidat

Na 2023, 75,4 porshento di poblashon ta nasé na Kòrsou. Na 2011, e grupo ei a forma 75,8 porshento.

Persona nasé na Hulanda ta forma 5,8 porshento na 2023, persona nasé na República Dominicana, 3,6 porshento i persona nasé na Colombia, 3,7 porshento. Por mira un oumento konsiderabel den e personanan nasé na Venezuela, ku awor ta 2,7 porshento. Na 2011, e porsentahe di e gruponan akí tabata 6,0, 3,6, 3,0, i 1,2 porshento respektivamente.

Religion

Te asina leu, ainda religion Katóliko Romano ta e denominashon mas grandi, ku 68,2 porshento di poblashon. Esaki ta un bahada kompará ku 2011 (72,8 %).

 

Kas di famia

Na 2023, tabatin 60.075 kas di famia, ku un promedio di 2,5 persona pa kada kas di famia. Tamaño di kas di famia a bolbe baha kompará ku e sensonan anterior (2001: 3,0 persona, 2011: 2,7 persona).

Kompará ku 2011, e kantidat di kas di famia a oumentá ku 5.139, ku ta un oumento di 9,4 porshento.

 

Enseñansa

Na 2023, e porsentahe di mucha i hóben di 4 te ku 18 aña (edat di enseñansa obligatorio) ku ta bai skol di den dia ta 96,3 porshento. E porsentahe ei ta mas haltu ku na 2011: 96,1 porshento. E porsentahe pa 2023 ta basá riba kontesta di 95 porshento di e partisipantenan di 4 te ku 18 aña.

 

Empleo

Porsentahe di desempleo a baha di 9,9 porshento na 2011 pa 7,0 porshento na 2023. Tin 15,0 porshento di desempleo hubenil (15-24 aña) na 2023, kompará ku 22,8 porshento na 2011.

 

Bibienda

A konta 60.075 bibienda privá, i gran mayoria ta konsistí di kas pará riba nan mes den kurá: 82,4 porshento.

E kantidat di bibienda privá ku ta kas propio a subi di 67,8% na 2011 pa 69,9% na 2023.

 

Por último

Ofisina Sentral di Statistik ta gradisí tur habitante di Kòrsou pa nan partisipashon na e último Senso akí. E promé resultadonan ta disponibel pa un i tur, tantu riba wèpsait di Senso, senso.cbs.cw, komo riba wèpsait ofisial di CBS: http://www.cbs.cw. Den e lunanan benidero, gradualmente CBS lo publiká mas tabèl, ku tur e resultadonan di Senso 2023.

 ———————————

 

 

 

CBS presenteert de Eerste Resultaten van de Census 2023

De bevolking van Curaçao bestaat uit 155.826 personen

 

Willemstad ; Het Centraal Bureau voor de Statistiek (CBS) heeft vanaf 2 september tot 20 oktober 2023 een volkstelling gehouden op Curaçao. De officiële periode voor deze census is verlengd tot eind februari 2024. Na deze periode heeft het CBS intensief gewerkt aan de verwerking van de censusgegevens. Thans presenteert het CBS de Eerste Resultaten Census 2023 met statistieken over de sociaal-economische situatie in Curaçao.

 

Op CBS Census website https://senso.cbs.cw/ kunt u een uitgebreidere publicatie met de eerste resultaten van de Census 2023 gratis downloaden.

 

Enkele belangrijke resultaten van Census 2023 zijn:

 

Bevolkingsomvang

Volgens de Census 2023 bedraagt het aantal inwoners van Curaçao 155.826 personen, waarvan 70.162 mannen en 85.596 vrouwen. Van 68 personen is het geslacht niet bekend. Vergeleken met de Census van 2011 is dit een toename van 5.263 personen. De bevolking is tussen 2011 en 2023 met 3,5% gegroeid.

 

Geslachtsratio

Voor wat betreft het geslachtsratio zijn er volgens de Census 2023 resultaten 82 mannen per 100 vrouwen woonachtig op Curaçao ten opzichte van 84,3 mannen per 100 vrouwen twaalf jaar eerder (2011). Het aantal mannen ten opzichte van het aantal vrouwen neemt af. Anders gezegd; het aantal vrouwen ten opzichte van het aantal mannen blijft toenemen.

 

 

Leeftijdsopbouw

De bevolking van Curaçao is aan het vergrijzen. In 2023 bedraagt het aandeel personen van 65 jaar en ouder 24,7 procent; in 2011 was dit nog 13,8 procent. De bevolking is ook aan het ontgroenen, het percentage jongeren (0-14 jaar) neemt af van 19,5 procent in 2011 naar 14,1 procent in 2023.

 

Geboorteplaats en nationaliteit

In 2023 is 75,4 procent van de bevolking in Curaçao geboren; in 2011 was dit 75,8 procent.

Personen geboren in Nederland vormen in 2023 5,8 procent, personen geboren in de Dominicaanse Republiek 3,6 procent en personen geboren in Colombia 3,7 procent.  Een aanzienlijke stijging is te zien bij personen geboren in Venezuela met 2,7 procent. In 2011 waren de percentages voor deze groepen respectievelijk 6,0 , 3,6 , 3,0 , en 1,2 procent.

 

Religie

Het Rooms Katholiek geloof blijft vooralsnog de grootste religieuze denominatie, 68,2 procent van de bevolking. Dit is een daling in vergelijking met 2011 (72,8 %).

 

Huishoudens

Het aantal privé huishoudens in 2011 is 60.075 met een gemiddelde huishoudgrootte van 2,5 personen. Dit betekent een verdere daling van huishoudgroottes vergeleken met vorige censussen (2001: 3,0 personen, 2011: 2,7 personen).

Vergeleken met 2011 is het aantal privé huishoudens met 5.139 toegenomen, hetgeen een stijging betekent van 9,4%.

 

Onderwijs

Het percentage kinderen in de leeftijd van 4 tot 18 jaar (Leerplichtleeftijd) dat een dagschool bezoekt in 2023 is 96.3 procent. Dat percentage is hoger dan in 2011: 96,1 procent. Het percentage in 2023 is gebaseerd op de antwoorden van 95% van de participanten van 4 tot 18 jaar.

 

Werkgelegenheid

Het werkeloosheidspercentage is gedaald van 9,9 procent in 2011 naar 7,0 procent in 2023.  De jeugdwerkeloosheid (15-24 jaar) bedraagt in 2023 15,0 procent vergeleken met 22,8 procent in 2011.

 

Woningen

Van 60.075 getelde woningen die bewoond zijn door een privéhuishouden, bestaat het grootste aandeel uit alleenstaande woningen op het erf: 82,4 procent.

Het aantal prive woningen in eigendom is van 67.8% in 2011 naar 69.9% gestegen in 2023.

 

Tot slot

Het Centraal Bureau voor de Statistiek wil alle inwoners van Curaçao bedanken voor hun deelname aan de recente census. De eerste resultaten zijn uitgebreid beschikbaar op zowel de census website senso.cbs.cw als de officiële CBS-website http://www.cbs.cw. In de komende periode zal het CBS geleidelijk aanvullende tabellen met de volledige resultaten van Census 2023 publiceren.