PROMÉ MINISTER SR. GILMAR PISAS A REUNÍ KU REPRESENTANTENAN DI CHATA

PROMÉ MINISTER SR. GILMAR PISAS A REUNÍ

KU REPRESENTANTENAN DI CHATA

 

Willemstad – Promé Minister sr. Gilmar Pisas a reuní ku representantenan di CHATA dia 4 di yüni 2024.

 

Di parti CHATA tabatin presente e siguiente miembronan di direktiva sr. Robbin Vogels- GM and owner di Avila Beach Hotel, sra. Maylin Trenidad- GM Renaissance Hotel,  ⁠sra. Mimi Luttge- GM LionsDive Beach Resort (Chairwoman CHATA) i sra. ⁠Anuschka Cova (CEO CHATA).

 

E sobra miembronan di e direktiva di CHATA ku no por tabata presente ta srs. Jonny Andersen CAP, Rolf Sprecher Dreams/Zoetry/ Sunscape, Jaime Osma, GM Kontiki,  Mark Nooren – Marriott i Omar Van Der Dijs- Licores Maduro.

 

E meta di e bishita tabata pa sera Promé Minister sr. Pisas konosí ku e miembronan di direktiva di CHATA i alabes kompartí algun informashon tokante e funshonamentu i plannan di CHATA.

Algun di e puntonan ku a bini dilanti tabata entre otro: e miembresia di CHATA, lantamentu di diferente “task force” ku lo bai sirbi diferente área, proyektonan grandi ku ta finalisando, tin intenshon pa bini ku insentivanan (e.o. beka na Universidat), e Leerhotel na Parasasa, dunamentu di charla na skolnan, Job Fairs, training di hospitalidat i idoma, aselerashon di pèrmit di trabou, pago di SVB, infrastruktura i logóstika na áreanan turístiko i aeropuerto di Kòrsou, kapasidat di Taxi, èts.

 

Di parti CHATA a informá tambe ku ta trahando den estrecho koperashon ku CTB, e Ministerio di Enseñansa, Siensia, Kultura i Deporte i algun instituto di enseñansa.

Pa ku e diferente puntonan ku a bini dilanti CHATA lo bai tin reunionnan ku e Ministerio di Desaroyo Sosial, Labor i  Bienestar i SVB.

 

Promé Minister sr. Pisas a gradisí e direktiva di CHATA pa tur e informashonnan ku e la risibí. E reunion a kana den un ambiente hopi ameno.