Konferensia di CLATE a Tuma Lugá ku Éksito na Kòrsou
Konferensia di CLATE a Tuma Lugá ku Éksito na Kòrsou
Ta Suprayá e Enfoke di Minister Larmonie-Cecilia Riba Bienestar Laboral i Sosial Mediante Kolaborashon entre Sindikato i Gobièrnu
Willemstad, Curaçao –E konferensia di CLATE ku a tuma lugá di 28 te ku 31 di mei na Kòrsou, tabata un gran éksito. Minister Larmonie-Cecilia di SOAW, a reafirmá e kompromiso di gobièrnu di Kòrsou pa ampliá bienestar laboral i sosial, através di fortalesementu di kolaborashon entre sindikatonan i gobièrnu. Minister a suprayá ku solamente enfokando riba diálogo i union nos por yega na benifisionan sosial i pago adekuá.
Durante su diskurso na e konferensia di CLATE, Minister Larmonie-Cecilia a enfatisá riba e intenshon pa pone Kòrsou riba mapa internashonal den e area di labor i haña rekonosementu global den sektor laboral. Minister Larmonie-Cecilia, a bisa: “E evento aki a reafirmá importansia di nos mishon konhunto i nesesidat pa sigui traha huntu pa derecho di tur trahadónan. Individualmente nos ta pèrdí.” Después di su palabra, Presidente di CLATE Julio Fuentes a ekspresá su gratitut pa e presensia di Minister i a entregá un opsekio na nòmber di e Konfederashon i a gradisí’é pa e solidaridat i fraternidat ku nan a risibí.
Delegashonnan di varios país manera Argentina, Brasil, Chile, Colombia, Costa Rica, i Cuba a presentá nan rapòrt, kual a resaltá e desafíonan i lógronan den nan paísnan, kontribuyendo na komprondementu kolektivo i planifikashon stratégiko di e konferensia. Tambe e konferensia a inkluí un homahe emoshonal na Norita Cortiñas, un miembro fundadó di Madres de Plaza de Mayo, ku a fayesé na edat di 94 aña. Adrie Williams, líder di ABVO, un di e organisashonnan anfitrión, a duna informashon tokante historia di Kòrsou, e la papia tokante e lúchanan di e isla pa libertat, igualdat, i su influensha riba moveshonnan di independensha den henter Karibe.
Deklarashon di Kòrsou, lesá pa Darío Fuentes di ekípo presidenshal di CLATE i Silvia Tejera, sekretaria general di ADEOM Uruguay, a wòrdu aproba unanimamente pa tur e delegashonnan. E deklarashon aki ta reafirmá e kompromiso pa metanan kolektivo di labor i ta suprayá e nesesidat di un estado demokrátiko i sosialmente hustu.
Minister Larmonie-Cecilia a resaltá ku e diálogo eksitoso i kolaborashon ku sindikatonan, ku a promové e konferensha, ta un paso esenshal pa logra mihó resultado sosial i pago hustu pa tur trahadó. E evento aki ta marka un avanse signifikativo den esfuerso di Kòrsou pa logra rekonosementu internashonal i liderazgo den relashon laboral.
Gobièrnu di Kòrsou ta keda dediká na enkurashá un ambiente di trabou inklusivo i hustu pa tur su suidadanonan.
Conferentie van CLATE succesvol gehouden op Curaçao
Minister Larmonie-Cecilia beklemtoont focus op arbeids- en sociaal welzijn door samenwerking tussen vakbonden en overheid
WILLEMSTAD- De conferentie van CLATE, die plaatsvond van 28 tot en met 31 mei op Curaçao, was een groot succes. Minister Larmonie-Cecilia van SOAW herbevestigde de inzet van de overheid van Curaçao om het arbeids- en sociaal welzijn te verbeteren door versterking van de samenwerking tussen vakbonden en overheid. De minister benadrukte dat alleen door te focussen op dialoog en eenheid, we sociale voordelen en een adequate salarisbetaling kunnen realiseren.
Tijdens haar toespraak op de CLATE-conferentie benadrukte minister Larmonie-Cecilia haar intentie om Curaçao op de internationale kaart te zetten op het gebied van arbeid en wereldwijde erkenning te krijgen in de arbeidssector. Minister Larmonie-Cecilia zei: “Dit evenement heeft het belang van onze gezamenlijke missie en de noodzaak om samen te blijven werken voor de rechten van alle werknemers opnieuw bevestigd. Individueel zijn we verloren.” Na haar toespraak sprak Julio Fuentes, president van CLATE, zijn dank uit voor de aanwezigheid van de minister en overhandigde haar een geschenk namens de confederatie, terwijl hij haar bedankte voor de solidariteit en broederschap die ze hadden ontvangen.
Delegaties uit verschillende landen, zoals Argentinië, Brazilië, Chili, Colombia, Costa Rica en Cuba, presenteerden hun rapporten, die de uitdagingen en successen in hun landen benadrukten en zo bijdroegen aan een collectief begrip en strategische planning van de conferentie. De conferentie omvatte ook een emotioneel eerbetoon aan Norita Cortiñas, een oprichtend lid van de Madres de Plaza de Mayo, die op 94-jarige leeftijd overleed. Adrie Williams, leider van de ABVO, een van de gastorganisaties, gaf informatie over de geschiedenis van Curaçao, sprak over de strijd van het eiland voor vrijheid en gelijkheid en zijn invloed op onafhankelijkheidsbewegingen in het hele Caribisch gebied.
De Verklaring van Curaçao, voorgelezen door Darío Fuentes van het presidentieel team van CLATE en Silvia Tejera, secretaris-generaal van ADEOM Uruguay, werd unaniem goedgekeurd door alle delegaties. Deze verklaring herbevestigt de inzet voor collectieve arbeidsdoelen en benadrukt de noodzaak van een democratische en sociaal rechtvaardige staat.
Minister Larmonie-Cecilia benadrukte dat de succesvolle dialoog en samenwerking met de vakbonden, die de conferentie promootten, een essentiële stap zijn om betere sociale resultaten en rechtvaardige betaling voor alle werknemers te bereiken. Dit evenement markeert een significante vooruitgang in de inspanningen van Curaçao om internationale erkenning en leiderschap op het gebied van arbeidsverhoudingen te verkrijgen. De regering van Curaçao blijft toegewijd aan het bevorderen van een inclusieve en rechtvaardige werkomgeving voor al haar burgers.
