Kòrsou a risibí 53.970 turista di estadia na mei 2024
Kòrsou a risibí 53.970 turista di estadia na mei 2024
WILLEMSTAD – 13 di yüni 2024 – Ofisina di Turismo di Kòrsou (CTB) ta kontentu pa anunsiá otro kresementu signifikante den kantidat di turista di estadia. Nos pais a registrá un kresementu remarkabel di 24% den kantidat di bishitante kompará ku mei aña pasá, yegando na un total di 53.970 turista di estadia. E logro aki ta reforsá Kòrsou su posishon komo e destinashon di biahe lider den Karibe.
Kòrsou ta sigui atraé un base di bishitante diverso, ku Europa na promé lugá ku 41% di e merkado na luna di mei. Nort Amérika ta sigui su tras, kontribuyendo ku 29%, reflehando e atrakshon di nos isla pa bishitantenan di Estádos Unídos i Canada, Sur Amérika ta representá 20% di tur bishitante risibí, miéntras e region di Karibe ta kontribuí ku 7%.
Prestashon tòp 3 merkadonan pa Kòrsou na mei
Hulanda, Kòrsou su merkado primario a registrá un total di 19.157 turista di estadia hulandes demostrando un kresementu notabel di 20% kresementu na mei. Un total di 22% di e bishitantenan hulandes ta prosedente di Zuid-Holland, 16% di Noord-Holland i 10% ta residentenan di Noord-Brabant. Adishonalmente e distribushon di edat di bishitantenan hulandes ta reflehá un variedat diverso, 33%, ta kai den e grupo di edat entre 45 – 64 aña, miéntras e grupo di edat di 25 – 44 aña tabata 32%. Pa loke ta trata preferensia di akomodashon, mayoria bishitante hulandes a opta pa otro opshon di akomodashon (56%), miéntras e 44% restante a skohe pa keda na un resort hotel. Turistanan hulandes a keda un promedio di 10.5 anochi na luna di mei.
Un total di 14.276 turista a keda risibí for di Estádos Unídos, kual ta un kresementu fuerte di 26% kompará ku aña pasá. E merkado di Estádos Unídos ta sigurando su posishon komo un merkado importante pa Kòrsou. Di e bishitantenan di Estádos Unídos, 18% ta prosedente di New York, 8% di Florida, 5% di North Carolina miéntras New Jersey i Georgia kada un a kontribuí ku 4%. E distribushon di edat di bishitantenan for di Estádos Unídos ta primeramente esnan entre 45 – 64 aña (36%), siguí pa esnan entre 25 – 44 aña (33%). Pa loke ta trata preferensia di akomodashon, 68% a opta pa resort hotels, miéntras e 32% restante a skohe otro opshon di akomodashon disponibel riba nos isla. Turistanan merikano a keda un promedio di 6.2 anochi riba Kòrsou.
Brazil, e di 3 pais ku prestashon tòp a eksperensiá un kresementu remarkabel, ku un oumento impreshonante di 116% den kantidat di turista di estadia, yegando un total di 3.842 bishitante. Esaki ta nifiká un oumento supstansial kompará ku e 1.780 turista brasilero registrá na aña pasá. Turistanan prosedente di Brazil a keda un promedio di 6.9 anochi riba nos isla na luna di mei. Pa loke ta trata eskoho di akomodashon, 60% a opta pa keda na un resort hotel.
Puntonan ku a destaká na mei 2024
Estadia na resort: Total, 54% di turistanan di estadia a skohe pa e variedat di akomodashonnan ku ta keda ofresé pa resort hotels, inkluyendo resort grandi, chikí, all-inclusive i bùngalo resorts. Un total di 46% a opta pa keda na un otro alohamentu riba nos isla.
Sifranan demográfiko: E mayoria, 41% di bishitantenan, ta kai den e grupo di edat entre 25 – 44 aña, siguí serka pa e grupo di edat di 45 – 64 aña, ku a representá 33% di e total di turistanan risibí.
Promedio di anochi: Total turistanan di estadia a pasa 7.8 anochi riba Kòrsou na luna di mei, un bahada di 7% kompará ku aña pasá.
Kantidat total di anochinan di estadia: Apesar ku e promedio di anochinan ta ménos kompará ku aña pasá, CTB a registrá un oumento di 13% den kantidat di anochinan di estadia kompará ku aña pasá, dor ku mas tantu turista a keda risibí. E total di anochinan di estadia na mei ta 408.471.
Prestashon turismo krusero: Na luna di mei, Curaçao Ports Authority (CPA) a raportá un total di 10 barku krusero ku un total di 37.376 turista krusero. Un bahada di 8% kompará ku aña pasá
Resúmen di aña te ku awor durante 2024
E sinku promé lunanan di 2024 a kuminsá fuerte, ku un total di 296.650 turista di estadia, registrando 30% kresementu kompará ku e mesun periodo na aña pasá. Tur merkado di enfoke ta kontribuyendo na e kresementu aki i CTB ta pronostiká kresementu den kantidat di turista di estadia pa final di e aña aki, ku un potensial pa yega na un total di 700 mil turista di estadia. E strategia pa sigui mehorá e éksito turístiko ta pa medio di partnership stratégiko i enkurashá esfuersonan koloborativo entre sektor públiko i privá. Meta di esaki ta pa mehorá aksesibilidat i posishoná Kòrsou komo e úniko destinashon den Karibe ku bo mester bishitá pa sintié pa bo mes….. Feel it for yourself.
Curaçao welcomed 53,970 stayover visitors during the month of May 2024
WILLEMSTAD – June 13, 2024 – The Curaçao Tourist Board is excited to report another significant growth in stayover tourism. The island experienced a remarkable 24% rise in arrivals compared to May of the previous year, welcoming a total of 53,970 stayover visitors. This accomplishment reinforces Curaçao’s status as a leading travel destination in the Caribbean.
Curaçao continues to attract a diverse visitor base, with Europe leading the way at 41% of the market share in May 2024. North America follows, contributing 29%, reflecting the island’s appeal to U.S. and Canadian travelers. South America accounts for 20% of visitors, while the Caribbean region contributes 7%.
Top 3 Source Markets Performance in May
The Netherlands, holds Curaçao’s primary source market welcoming 19,157 Dutch arrivals, recording a notable 20% growth in May. Twenty-two percent of the Dutch visitors reside in South Holland, 16% in North Holland and 10% are North Brabant residents. Furthermore, the age distribution of Dutch visitors reflects a diverse range, with 33% falling between 45 and 64 years old, and 32% between 25 and 44 years old. In terms of accommodation preferences, most Dutch visitors opted for non-resorts accommodation (56%), while the remaining 44% stayed at a resort during their stay. Dutch visitors stayed 10.5 nights on average in May.
A total of 14,276 US visitors were greeted from the United States of America, recording a strong 26% increase compared to last year. The US market is solidifying its position as a key top source market for Curaçao. US visitors primarily visited from New York (18%), Florida (8%), North Carolina (5%), New Jersey (4%) and Georgia (4%). The age distribution of US visitors is primary between 45 and 64 years old (36%), followed by visitors between 25 and 44 years old (33%). In terms of accommodation preferences, 68% of the US visitors favored resort hotels, while the remaining 32% opted for other lodging options available on the island. On average US visitors stayed 6.2 nights in Curaçao.
The third top performing country, Brazil experienced remarkable growth, highlighting an impressive 116% increase in stayover arrivals, reaching a total of 3,842 visitors. This signifies a substantial rise from the 1,780 Brazilians welcomed the previous year. On average, Brazilian visitors spent 6.9 nights in May. In terms of accommodation choices, 60% of Brazilian visitors opted for resort hotels.
Key Highlights May 2024
Resort Stays: Overall, 54% of stayover visitors opted for the diverse range of accommodations offered by resort hotels, including large, small, all-inclusive, and bungalow resorts, 46% opted to stay at other lodgings on island.
Demographic Insights: The largest portion, comprising 41% of visitors, belonged to the 25 to 44 age group, closely followed by the 45 to 64 age group, which represented 33% of the total arrivals.
Average nights: In total stayover visitors spent 7.8 nights in May, a 7% decrease compared to last year.
Stayover Nights: Although the average number of nights is fewer compared to last year, the tourism board records an increase in stayover nights of 13% compared to last year because more arrivals were registered. The total stayover nights in May is 408,471 visitor nights.
Cruise arrivals: In May, Curaçao Ports Authority registered a total of 10 cruise ship calls, welcoming 37,376 cruise visitors, an 8% decrease compared to last year.
Year to date highlights of 2024
The first five months of 2024 started strong, with a total of 296,650 stayover arrivals, marking a 30% growth compared to the same period last year. All markets of focus have been contributing to this growth and the Curaçao Tourist Board forecasts promising tourism arrivals by the end of this year, with potential to reach a total of 700,000 stayover arrivals. The approach to further enhance its tourism success involves forming strategic partnerships and encouraging collaboration between the public and private sectors. This aims to improve accessibility and position Curaçao has as the premier Caribbean destination visitors should visit to “Feel it for yourself”.
